ម្ចាស់ជើងឯកប្រភេទទម្ងន់ ៦៣.៥ គីឡូក្រាមកម្មវិធីកម្ពុជាសង្វៀនគុនខ្មែរបានទៅលើកីឡាករគុនខ្មែរ ធន់ ចាន់តាក់ បន្ទាប់ពីតទល់នឹងកីឡាករថៃ រិទ្ធអៃយ៉ារ៉ា ពេញ៥ទឹក នាថ្ងៃ សៅរ៍ ទី ០១ ខែ គុម្ភៈ  នេះនាសង្វៀន CBS  ក្នុងវគ្គផ្តាច់ព្រ័ត្រ ។ ចៅក្រម៣រូបបានផ្តល់ពិន្ទុអោយកូនសិស្សរបស់លោក ធន់ សុភា ឈ្នះ ខណៈ ចៅក្រម២រូបបានផ្តល់អោយខាងថៃឈ្នះ ដូចនេះពិន្ទុមិនឯកច្ឆ័ន្ត ៣ ...

ទិត្យ សុវណ្ណគីរី គឺជាអ្នកប្រដាល់គុនខ្មែរជំនាន់ សែន រ៉ាឌី ហើយក៏ជាពូជពង្សអ្នកប្រយុទ្ធក្នុងខេត្តកោះកុង ដែលធ្លាប់មានឈ្មោះល្បីល្បាញមិនចាញ់ សែន រ៉ាឌី ប៉ុន្មាននោះទេ ផ្ទុយមកវិញកេត្តិ៍ឈ្មោះរបស់គេភាគច្រើនគេស្គាល់ចេញពីទឹកដីថៃមកវិញ។ នេះក៏ដោយសារតែភាគច្រើន ទិត្យ សុវណ្ណគីរី ប្រកួតនៅថៃច្រើនជាងប្រកួតនៅខ្មែរ ហើយកន្លងអ្នកស្រុកខេត្តកោះកុងរូបនេះក៏ធ្លាប់បានប៉ុស្តិ៍ CTN កាលណោះដឹកនាំដោយលោកគ្រូ ម៉ា សេរី ធ្លាប់បានចងក្រងធ្វើជីវប្រវត្តិរបស់រូបគេផងដែរ។ ជាង១០ឆ្នាំហើយ ដែលកេត្តិ៍ឈ្មោះរបស់ គីរី ត្រូវបានកប់បាត់រសាត់ទៅឆ្ងាយ តាមរយៈការចង់អស់និស្ស័យពីគុនខ្មែរ ...

ម្ចាស់ជើងឯកក្រុមទី១ប្រភេទទម្ងន់ ៦៣.៥ គីឡូក្រាមកម្មវិធីកម្ពុជាសង្វៀនកីឡាករគុនខ្មែរ ធន់ ចាន់តាក់ នឹងត្រូវប៉ះម្ចាស់ជើងឯកក្រុមទី២កីឡាករថៃ រិទ្ធអៃយ៉ារ៉ា ដើម្បីដណ្តើមខ្សែក្រវាត់ នាថ្ងៃ សៅរ៍ ទី ០១ ខែ គុម្ភៈ  នេះនាសង្វៀន CBS  ចាប់ពីម៉ោង ៨.១៥ នាទីព្រឹកតទៅ ។ កូនសិស្សរបស់លោក ធន់ សុភា បានរៀបរាប់ថា ការហ្វឹកហាត់បានយកចិត្តទុកដាក់ដើម្បីត្រៀមអោយបានល្អ ទាំងកម្លាំងនិងបច្ចេកទេសបន្ថែមមុនការប្រកួតមកដល់ ...

បន្ទាប់ពីមានប្រតិកម្មជាច្រើនបាននិយាយនិងស៊ែរតៗគ្នា ពាក់ព័ន្ធរឿងកីឡាករ ព្រំ សំណាង មិនបានចេញទៅប្រកួតនៅក្រៅស្រុកនាដើមខែក្រោយនេះ បានធ្វើឲ្យអ្នកនិយមគាំទ្រគុនខ្មែរមានការខឹងសម្បាទៅលើលោកគ្រូ ហង្ស សឿន ដែលជាម្ចាស់ក្លឹបឆ័ត្រយោង៩១១ ថាជាអ្នកមិនអនុញ្ញាត្តិអោយ ព្រំ សំណាង ចេញទៅប្រកួតនៅក្រៅប្រទេស។ តាមពិតរឿងនេះប្រាកដជាមានហេតុនិងផល បើយោងតាមក្រុមការងារ MSR SPORT ធ្លាប់បានជជែកលេងជាមួយលោកគ្រូកាលពីលើកៗមុន លោកគ្រូក៏ធ្លាប់បានមានប្រសាសន៍ថា៖ គ្រប់កីឡាកររបស់ក្លឹបឆ័ត្រយោង៩១១ទាំងអស់ មិនថាអ្នកខ្លាំងរឺក៏អ្នកខ្សោយនោះទេ ចង់ចេញទៅប្រកួតនៅក្រៅប្រទេស ត្រូវតែផ្តល់ដំណឹងមកកាន់ក្លឹបជាមុនសិន មិនមែនទៅណាមកណាស្រេចតែចិត្តចង់ទៅនោះទេ មួយវិញទៀត រាល់កីឡាករណាដែលមិនសូវយកចិត្តទុកដាក់ហ្វឹកហាត់គិតតែដើរលេងមិនចូលក្លឹប ...

ជារឿងគួរអោយភ្ញាក់ផ្អើលមួយសម្រាប់អ្នកស្នេហាវិស័យគុនខ្មែរដោយនៅថ្ងៃនេះអ្នកប្រដាល់គុនខ្មែរ ព្រឿង សុជាតិ បានប្រកាសជាសាធារណៈថារូបគេបានសម្រេចចិត្តលាឈប់ពីអាជីពគុនខ្មែរ ក្រោយបានប្រឡូកតាំងពីឆ្នាំ២០១៥មកនៅក្លិបប្រដាល់ក្រសួងការពារជាតិ ។ កូនសិស្សរបស់លោក ធន់ សុភា បានប្រាប់ MSR SPORT នៅថ្ងៃនេះថា រូបគេពិតជាលាឈប់ពីកីឡាករគុនខ្មែរប្រាកដមែន ដោយសារតែយល់ឃើញថាសមត្ថភាពរបស់ខ្លួនឯងមិនអាចបន្តទៅមុខទៀតបាន ខណៈតាមបណ្តាសង្វៀនផ្សេងៗក្នុងស្រុកហាក់បីមិនចាប់អារម្មណ៍ពីសមត្ថភាពរបស់ខ្លួនក្នុងមួយរយៈចុងក្រោយនេះ ទោះបីរូបគេប្រកួតខ្មែរនឹងខ្មែរមិនដែលសូវចាញ់និងប្រកួតអន្តរជាតិប៉ះថៃបីប្រកួតចុងក្រោយឈ្នះពីរនិងស្មើម្តង យ៉ាងណាក្តី ។ សុជាតិ បានបន្តថា ក្រោយជាពីរបួសដៃរូបគេប្រឹងប្រែងហ្វឹកហាត់និងប្រឹងប្រកួតយ៉ាងខ្លាំងក្នុងរយៈពេល៧ខែចុងក្រោយនេះ ហើយចាញ់ត្រឹមតែមួយប្រកួតក្នុងការដណ្តើមពានរង្វាន់នៅស្ថានីយ៍ទូរទស្សន៍លេខ ៥ ប៉ុណ្ណោះ ប៉ុន្តែនៅតែមិនមានការផ្តល់ឱកាសអោយប្រកួតអន្តរជាតិ ...

ទាំងនេះគឺជាទឹកចិត្តមួយកម្ររកបាន នៅពេលដែលឃើញមិត្តភ័ក្រកំពុងតែជួបការលំបាកហើយគ្មានសប្បុរសជនណាអាចជួយបំពេញបំណងរបស់ ពេជ្រ អារុណ ក្នុងការរកលុយទិញម៉ូតូកង់បីដើម្បីផ្គត់ផ្គង់ជីវភាព បានធ្វើឲ្យអតីតអ្នកប្រដាល់គុនខ្មែរ ឡោ សំណាង សម្រេចចិត្តចូលហ្វឹកហាត់គុនខ្មែរម្តងទៀត ដោយត្រៀមខ្លួនចូលរួមប្រកួតក្នុងកម្មវិធី Mas Fight ហើយថវិកាដែលទទួលបាន និងប្រមូលបានពីសប្បុរសជនទាំងអស់ និងយកទៅទិញម៉ូតូកង់បីជូន អតីតអ្នកប្រដាល់គុនខ្មែរ ពេជ្រ អារុណ នេះប្រសិនបើថវិកាគ្រប់។ គួររំលឹកថា ឡោ សំណាង បានព្យាយាមប្រកាសស្វែងរកសប្បុរសជនដើម្បីជួយជីវភាព ពេជ្រ អារុណ ដែលកំពុងតែជួបការលំបាកខ្លាំង ...

អាសង្ហាគុនខ្មែរ ឡៅ ចន្រ្ទា ដែលមួយរយៈនេះត្រូវបានអ្នកគាំទ្រគុនខ្មែរជាច្រើនបានរិះគន់ថា ប្រកួតមិនសូវបានល្អដូចមុន ក្នុងនោះ រូបរាងក៏មិនសូវណែនហាប់ដូចពីមុនផងដែរ។ សំនួរទាំងនេះត្រូវបាន ឡៅ ចន្រ្ទា ធ្លាប់និយាយប្រាប់ MSR SPORT ថា៖ មូលហេតុដែលបណ្តាអោយរូបគេប្រកួតមិនសូវបានល្អដូចមុននោះគឺបញ្ហាសុខភាព ដោយសារតែមានរបួសដៃឆ្វេង និង ជើង ទើបធ្វើឲ្យរូបគេហ្វឹកហាត់មិនបានល្អដូចមុន ហើយរបួសទាំងនោះគឺមានបញ្ហាយូរហើយ តែមិនទាន់បានទៅពិនិត្យ។ គួររំលឹកថា ទោះបីជាការប្រកួតចុងក្រោយរបស់កូនសិស្សលោកគ្រូ ហង្ស សឿន ឈ្នះពិន្ទុ ...

ដើម្បីអោយអស់ចិត្តទាំងខ្លួនឯងនិងអ្នកគាំទ្រ ដៃភ្លើងជើងរន្ទះ រឿង សោភ័ណ្ឌ បានប្រកាសចង់ជួបជាមួយដៃគូចាស់របស់ខ្លួនចំនួនពីរនាក់ដែលរូបគេធ្លាប់ឈ្នះនិងធ្លាប់ចាញ់ក្នុងការប្រកួតកន្លងមក ក្នុងនោះមានអ្នកប្រដាល់ថៃ គួន អ៊ូ និងកីឡាករ កងថៃឡេន ។ រឿង សោភ័ណ្ឌ បានបញ្ជាក់ថា ដើម្បីអោយអស់ចិត្តរូបគេចង់សាកល្បងថ្វីដៃជាមួយកីឡាករថៃ គួន អ៊ូ ម្តងទៀត ខណៈកីឡាករថៃ កងថៃឡេន ដែលរូបគេធ្លាប់ឈ្នះពិន្ទុ ក៏រូបគេចង់ប៉ះម្តងទៀតដែរ ពីព្រោះកីឡាករថៃហាក់បីមិនទាន់អស់ចិត្ត ហើយមានអ្នកគាំទ្រ ជាច្រើនចង់អោយជួបគ្នាសារជាថ្មី ។ ...

កីឡាការិនីគុនខ្មែរ នៅ ស្រីពៅ នឹងចេញទៅប្រកួតនៅប្រទេសថៃជាលើកទី៣ នៅដើមខែគុម្ភៈ នេះ ខណៈបទពិសោធការប្រកួតពីរដងកន្លងមកនៅប្រទេសជិតខាងរបស់កម្ពុជាមួយនេះកូនសិស្សរបស់លោក ញ៉ូវ ម៉ាក់ មិនទាន់ស្គាល់ពាក្យថាចាញ់នោះទេ  ដោយមិនរាប់ការប្រកួតលក្ខណៈសកលចូលនោះទេ ។ ការប្រកួតលើកទី៣ នេះគឺនឹងធ្វើឡើងនៅថ្ងៃទី ១ ខែ គុម្ភៈ ឆ្នាំ ២០២០ ក្នុងកម្មវិធី Muay Hardcore លើប្រភេទទម្ងន់ ៥២ គីឡូក្រាមដោយត្រូវប៉ះជាមួយកីឡាការិនីម្ចាស់ផ្ទះ ក្នុងតំណាងគូរងឯកនៃកម្មវិធី ...