Author: MSR Website
-
អគ្គលេខាបាល់ទះបង្ហើបគម្រោងប្រកួតដណ្ដើមពាន៣ប្រទេស
លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបង្ហើបថា លោកកំពុងពិភាក្សាជាមួយភាគីសហព័ន្ធកីឡាបាល់ទះសិង្ហបុរី និងភាគីសហព័ន្ធកីឡាបាល់ទះម៉ាឡេស៊ី ស្ដីពីលទ្ធភាពនៃការប្រកួតដណ្ដើមពានរង្វាន់មួយក្នុងចំណោម៣ប្រទេសនេះ ហើយអាចប្រព្រឹត្តទៅក្នុងខែកុម្ភៈ ឆ្នាំ២០២៣។ ជុំវិញផែនការគម្រោងប្រកួតជាមួយក្រុមបាល់ទះបារាំងវិញ លោកអគ្គលេខាធិការដដែលមានប្រសាសន៍ថា កំពុងចរចាគ្នាថាតើត្រូវនាំកីឡាករកម្ពុជាទៅប្រកួតនៅទីនោះ ឬនាំកីឡាករបារាំងមកប្រកួតនៅកម្ពុជា។ លោកសង្កត់ធ្ងន់ថា ទោះប៉ះក្រុម B បារាំង ក៏ជារឿងដ៏ល្អ ព្រោះបាល់ទះរបស់ប្រទេសមួយនេះស្ថិតក្នុងចំណោមក្រុមខ្លាំងៗដែលអាចជួយផ្ដល់បទពិសោធ និងបង្កើនគុណភាពដល់ក្រុមកម្ពុជា។ គួរដឹងដែរថា សហព័ន្ធកីឡាបាល់ទះកម្ពុជាកំពុងដុតដៃដុតជើងពង្រឹងសមត្ថភាពកីឡាករ កីឡាការិនី និងមន្ត្រីបច្ចេកទេសខ្លួនដើម្បីឆ្ពោះទៅដណ្ដើមបានលទ្ធផលល្អក្នុងព្រឹត្តិការណ៍កីឡាស៊ីហ្គេម ឆ្នាំ២០២៣ដែលកម្ពុជាធ្វើជាម្ចាស់ផ្ទះ៕ -
FIFA ពិន័យអាល្លឺម៉ង់
សហព័ន្ធកីឡាបាល់ទាត់អាឡឺម៉ង់ត្រូវបានពិន័យជាប្រាក់ចំនួន១០១០០ អឺរ៉ូ បន្ទាប់ពីបានបំពានលើបទប្បញ្ញត្តិស្តីពីសន្និសីទសារព័ត៌មានមុនការប្រកួតតទល់អេស្ប៉ាញក្នុងព្រឹត្តិការណ៍ World Cup ។ លើសពីនេះ DFB ក៏ត្រូវបានព្រមានកុំឱ្យប្រព្រឹត្តល្មើសម្តងទៀតសម្រាប់ការប្រកួតបាល់ទាត់ពិភពលោកឆ្នាំ ២០២២ ដែលនៅសល់។ ក្នុងសន្និសីទកាសែតមុនការប្រកួតអាល្លឺម៉ង់ទល់នឹងអេស្ប៉ាញ មានតែគ្រូបង្វឹក Hansi Flick ប៉ុណ្ណោះដែលបង្ហាញវត្តមាន។ យោងតាមបទប្បញ្ញត្តិរបស់ FIFA ក្រុមដែលចូលរួមក្នុងការប្រកួត World Cup មានកាតព្វកិច្ចធ្វើសន្និសីទសារព័ត៌មានមួយថ្ងៃមុនការប្រកួតដោយមានគ្រូបង្វឹក និងកីឡាករ។ ច្បាប់ទាំងនេះត្រូវបានចែងក្នុងមាត្រា ៤៤ នៃច្បាប់នៃការប្រកួត៕ -
ប្រេស៊ីល និងព័រទុយហ្គាល់បានកៅអីវគ្គ១៦ក្រុមហើយ
កីឡាករ Manchester United ២រូប គឺ Casemiro និង Bruno Fernandes រកបានគ្រាប់បាល់សម្រាប់ជម្រើសជាតិរៀងៗខ្លួន និងបានឡើង ទៅកាន់វគ្គ១៦ក្រុមចុងក្រោយ FIFA World Cup។ Casemiro ជាម្ចាស់គ្រាប់បាល់ដែលប្រេស៊ីលឈ្នះស្វីស១ទល់នឹង០ ខណៈ Bruno រកបាន២គ្រាប់ក្នុងជ័យជម្នះ២ទល់នឹង០របស់ព័រទុយហ្គាល់លើអ៊ុយរុយហ្គាយ។ សរុបពិន្ទុពីការប្រកួត២លើកមក ព័រទុយហ្គាល់មាន៦ពិន្ទុពីការប្រកួត២លើកប្រចាំពូល H ហើយប្រកួតចុងក្រោយប៉ះកូរ៉េខាងត្បូង។ ចំណែកប្រេស៊ីល មាន៦ពិន្ទុពីការប្រកួត២លើកឈរលេខ១ក្នុងពូល ... -
កូរ៉េខាងត្បូងប្ដឹងទៅ FIFA រឿងបកប្រែខុស
សហព័ន្ធកីឡាបាល់ទាត់កូរ៉េខាងត្បូងបានដាក់ពាក្យបណ្ដឹងទៅសហព័ន្ធកីឡាពិភពលោកជុំវិញការបកប្រែខុសខ្លឹមសារ។ ក្នុងសន្និសីទសារព័ត៌មាននៅថ្ងៃអាទិត្យ ទី២៧ ខែវិច្ឆិកា លោក Paulo Bento គ្រូបង្គោលជម្រើសជាតិកូរ៉េខាងត្បូងត្រូវបានសួរនាំរឿងកីឡាករ Hwang Hee-chan និង Kim Min-jae។ លោកបានឆ្លើយតបជាភាសាព័រទុយហ្គាល់ថា អ្នកទាំង២កំពុងតែមានភាពប្រសើរហើយ តែលោកមិនទាន់ដឹងច្បាស់ទេ។ ផ្ទុយទៅវិញ អ្នកបកប្រែបានបកខុស ដោយថាអ្នកទាំង២មិនបានលេងទេពេលប៉ះហ្គាណា ធ្វើឲ្យអ្នកព័ត៌មានយកខុសដែរ។ ជាការឆ្លើយតប សហព័ន្ធកីឡាបាល់ទាត់ពិភពលោកបានសូមអភ័យទោស និងថា មិនឲ្យមានបញ្ហានេះកើតឡើងទៀតឡើយ។ Kim Min-jae ... -
រុស្ស៊ីចង់ចេញពី UEFA ចូល AFC
សហព័ន្ធកីឡាបាល់ទាត់រុស្ស៊ី (RFS) បានប្រកាសពីការត្រៀមខ្លួនចាកចេញពីសហព័ន្ធបាល់ទាត់អឺរ៉ុប (UEFA) ដើម្បីចូលរួមជាមួយសហព័ន្ធបាល់ទាត់អាស៊ី (AFC) នាពេលខាងមុខ។ ប្រធាន RFS លោក Aleksandr Dyukov បានប្រាប់ RIA ថា “៖កាលពីប៉ុន្មានខែមុន ខ្ញុំបាននិយាយថា គំនិតនៃការចូលរួមកីឡាបាល់ទាត់អាស៊ីគឺលឿនបន្តិច។ ប៉ុន្តែឥឡូវនេះវាគឺជាឱកាសមួយដែលយើងគួរតែពិចារណា។” នេះជាលើកទីមួយហើយដែល RFS បញ្ជាក់ពីលទ្ធភាពចាកចេញពី UEFA ទៅចូលរួមជាមួយ AFC ... -
កាណាដារកគ្រាប់បាល់លឿនបំផុតនៅ World Cup ឆ្នាំនេះ តែក៏អស់ឱកាសត្រឹមវគ្គចែកពូល
alphonso davies រកគ្រាប់បាល់បញ្ចូលទីក្នុងសំណាញ់ក្រូអាត ក្រោយលេងបានត្រឹម៦៩វិនាទី ជាកំណត់ត្រាលឿនបំផុតនៅ FIFA World Cup 2022 ហើយក៏ជាគ្រាប់បាល់ដំបូងរបស់កាណាដានៅ World Cup។ តែយ៉ាងណា ក្រុមមកពីអាមេរិកខាងជើងចាញ់ក្រូអាត ៤ទល់នឹង១ ក្រោយចប់ការប្រកួតជាផ្លូវការ។ ដូច្នេះកាណាដាធ្លាក់ត្រឹមវគ្គចែកពូល បន្ទាប់ពីចាញ់២ប្រកួតដំបូង ពោលចាញ់បែលហ្ស៊ិក ១ទល់នឹង០ថ្ងៃបើកឆាក។ ដោយឡែកក្នុងការប្រកួតទី២ប្រចាំពូល F នេះដែរ បែលហ្ស៊ិក បានចាញ់ម៉ារ៉ុក ២ទល់នឹង០។ ... -
ភ្នំពេញក្រោនឡើងឈរកំពូលតារាងជំនួសវិសាខា
ជ័យជម្នះលើវិសាខា២ទល់នឹង៣ បានរុញភ្នំពេញក្រោនទៅកាន់កំពូលតារាង Cambodian Premier League វិញម្ដង។ គិតត្រឹមពេលនេះ ភ្នំពេញក្រោនមាន៤៩ពិន្ទុ ស្មើក្រុមលេខ២វិសាខា និងក្រុមលេខ៣ព្រះខ័នរាជស្វាយរៀង។ ការប្រកួតចុងក្រោយនៅថ្ងៃទី០៣ ខែធ្នូ ប្រសិនបើភ្នំពេញក្រោនឈ្នះបឹងកេត នោះមានន័យថា ក្រុមលោក Oleg Staryskyi នឹងការពារតំណែងជើងឯករបស់ខ្លួនបានសម្រេច។ ក្នុងចំណោមក្រុមទាំង៣ ភ្នំពេញក្រោនមាន head-t0-head ល្អជាងគេ ហេតុនេះហើយបានជាពួកគេឈរកំពូលតារាង៕ -
Messi ស៊ុត១ assist ១ឲ្យអាហ្សង់ទីនឈ្នះម៉ិកស៊ិក
Lionel Messi បានបង្ហាញគុណផលល្អ ជួយឲ្យក្រុមជម្រើសជាតិអាហ្សង់ទីនឈ្នះម៉ិកស៊ិក ដោយលទ្ធផល២ទល់នឹង០ក្នុងការប្រកួត FIFA World Cup ប្រចាំពូល C។ នេះជាជ័យជម្នះលើកដំបូងសម្រាប់ក្រុមរហស្សនាមពពកស បន្ទាប់ពីបើកឆាកចាញ់អារ៉ាប៊ីសាអ៊ូឌីត ដោយលទ្ធផល១ទល់នឹង២។ គ្រាប់បាល់ទី១កើតឡើងក្នុងនាទី៦៤ ពេល Angel Di Maria បញ្ជូនឲ្យ Lionel Messi ស៊ុតមួយជើងឆ្វេងក្រៅប្រអប់។ គ្រាប់ទី២ Messi បញ្ជូនឲ្យ Enzo ... -
ក្រោយដាក់២គ្រាប់ឲ្យបារាំងឡើងវគ្គ១៦ក្រុម Mbappe ក៏ស្មើកំណត់ត្រា Pele ដែរ
Kylian Mbappe បានស៊ុតបញ្ចូលទី២គ្រាប់ម្នាក់ឯងឲ្យបារាំងឈ្នះដាណឺម៉ាក ២ទល់នឹង១ ប្រចាំពូល D ឡើងទៅកាន់វគ្គ១៦ក្រុមចុងក្រោយ បន្ទាប់ពីក្រសោបបាន៦ពិន្ទុពេញពីការប្រកួត២លើក។ អ្វីគួរកត់សម្គាល់នោះ គឺខ្សែប្រយុទ្ធ Paris Saint Germain រកបាន៧គ្រាប់ហើយក្នុងនាមកីឡាករអាយុក្រោម២៤ឆ្នាំចាប់តាំងពីបានបង្ហាញខ្លួនក្នុងព្រឹត្តិការណ៍ FIFA World Cup គិតពីឆ្នាំ២០១៨មក។ មានន័យថា គេបានស្មើកំណត់ត្រាអតីតខ្សែប្រយុទ្ធប្រេស៊ីល លោក Pele។ អតីតកីឡាករ Monaco ក៏បានវ៉ាផុត Thierry ... -
កែលម្អគុណភាពជីវិតជាមួយនឹងកម្មវិធីរត់ Xiaomi POP Run 2022
Xiaomi ដែលជាក្រុមហ៊ុនផលិតគ្រឿងអេឡិចត្រូនិក និងឧបករណ៍ឆ្លាតវៃឈានមុខគេលើពិភពលោក បន្តលើកទឹកចិត្តសហគមន៍ Xiaomi Fans ឱ្យសុខភាពរបស់ពួកគេប្រសើរឡើងតាមរយៈសកម្មភាពរត់ប្រចាំឆ្នាំ Xiaomi POP Run 2022។ Xiaomi POP Run គឺជាសកម្មភាពក្រៅផ្ទះដែលពេញនិយមបំផុតរបស់សហគមន៍ Xiaomi ។ ព្រឹត្តិការណ៍នេះកើតមកក្នុងគោលបំណងលើកទឹកចិត្ត Xiaomi Fans ឱ្យរត់ដើម្បីសុខុមាលភាពសាធារណៈ ព្រមទាំងគ្របដណ្តប់ប្រទេសផ្សេងៗគ្នាជាច្រើន។ ក្នុងអំឡុងពេលព្រឹត្តិការណ៍នេះ Xiaomi Fans តែងតែពាក់អាវយឺតពណ៌ទឹកក្រូចធម្មតានៃម៉ាក ...