Lionel Messi បានបង្ហាញគុណផលល្អ ជួយឲ្យក្រុមជម្រើសជាតិអាហ្សង់ទីនឈ្នះម៉ិកស៊ិក ដោយលទ្ធផល២ទល់នឹង០ក្នុងការប្រកួត FIFA World Cup ប្រចាំពូល C។

នេះជាជ័យជម្នះលើកដំបូងសម្រាប់ក្រុមរហស្សនាម​ពពកស បន្ទាប់ពីបើកឆាកចាញ់អារ៉ាប៊ីសាអ៊ូឌីត ដោយលទ្ធផល១ទល់នឹង២។

គ្រាប់បាល់ទី១កើតឡើងក្នុង​នាទី​៦៤ ពេល Angel Di Maria បញ្ជូនឲ្យ Lionel Messi ស៊ុតមួយជើង​ឆ្វេងក្រៅប្រអប់។ គ្រាប់ទី២ Messi បញ្ជូនឲ្យ Enzo Fernandez ពែនមួយជើង​កោងផុតដៃអ្នកចាំទី Guillermo Ochoa។

ចំណែកមួយគូទៀតប្រចាំពូល C ប៉ូឡូញឡើងឈរលេខ១មាន​៤ពិន្ទុ ក្រោយឈ្នះអារ៉ាប៊ីសាអ៊ូឌីត ២ទល់នឹង០។ ដូច្នេះ អាហ្សង់ទីននៅលេខ២ មាន៣ពិន្ទុស្មើក្រុម​លេខ៣អារ៉ាប៊ីសាអ៊ូឌីត ខណៈម៉ិកស៊ិក នៅបាតតារាងមាន​១ពិន្ទុ៕