លោក អាំង សេរី ពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បង្ហើបថា ចាប់ពីថ្ងៃទី០៨ ខែមិថុនា តទៅ សហព័ន្ធនឹងរៀបចំការប្រកួតដណ្ដើមពានរង្វាន់សម្ដេចក្រឡាហោម ស ខេង ដោយផ្ដោតលើកីឡាករវ័យក្មេង ហើយក្លិបដែលអាចចូលរួមបានត្រូវតែមានអាជ្ញាបណ្ណត្រឹមត្រូវ។ ចំពោះលក្ខខណ្ឌអាជ្ញាបណ្ណនោះ គឺមានការរួមចំណែកជាវិភាគទានដល់សហព័ន្ធ ទី២ ចុះឈ្មោះក្លិប និងកីឡាករក្នុងសហព័ន្ធ ដើម្បីងាយស្រួលគ្រប់គ្រង។ មិនតែប៉ុណ្ណោះ ក៏មានការរៀបចំការដោះដូរកីឡាករបានត្រឹមត្រូវពីក្លិបមួយទៅក្លិប ដើម្បីបង្ការភាពចម្រូងចម្រាស។ សង្កត់បន្ថែមពីលើការបង្កើតការប្រកួតពានរង្វាន់សម្ដេចក្រឡាហោម ស ខេង ...

ម៉ោង៥និង៣០នាទីល្ងាចថ្ងៃអង្គារ ទី២៤ ខែឧសភា នឹងមានការដង្ហែទង់សហព័ន្ធកីឡាអាស៊ីអាគ្នេយ៍ពីរដ្ឋធានីហាណូយ ប្រទេសវៀតណាម មកកាន់រាជធានីភ្នំពេញ។ បន្ទាប់ពីចាកចេញពីអាកាសយានដ្ឋានអន្តរជាតិភ្នំពេញ ក្បួនដង្ហែនឹងបន្តតាមមហាវិថីសហព័ន្ធរុស្ស៊ី បត់តាមមហាវិថីព្រះនរោត្ដម តាមមន្ទីរពេទ្យអង្គឌួង ឆ្ពោះទៅវិមានឯករាជ្យ ព័ទ្ធជុំវិញសួន និងសំដៅទៅគណៈកម្មាធិការជាតិអូឡាំពិកកម្ពុជា។ នេះជាការអបអរដល់ក្រុមអត្តពលិកកម្ពុជាដែលដណ្ដើមបានមេដាយពីស៊ីហ្គេមនៅវៀតណាម និងការទទួលបានទង់ស៊ីហ្គេម ដើម្បីត្រៀមធ្វើម្ចាស់ផ្ទះ២០២៣វិញម្ដង។ គួរដឹងដែរថា គិតត្រឹមព្រឹកថ្ងៃចន្ទ ទី២៣ ខែឧសភា នេះ កម្ពុជាទទួលបានមេដាយមាស៩គ្រឿង, ប្រាក់១៣គ្រឿង និងសំរឹទ្ធិ៤១គ្រឿង​ សរុប៦៣គ្រឿង៕  

ទីបំផុតការរង់ចាំឈ្នះមេដាយមាសសម្រាប់គុនខ្មែរក្នុងព្រឹត្តិការណ៍ស៊ីហ្គេម អស់រយៈពេល៥ឆ្នាំបានមកដល់ហើយ ក្រោយកីឡាករ ប៉ោ ភារិទ្ធ ឬយ៉េន ឌីណា ស្រវាបានជ័យជម្នះដោយពិន្ទុដាច់លើម្ចាស់ផ្ទះវៀតណាម នៅល្ងាចថ្ងៃអាទិត្យ ទី២២ ខែឧសភា នេះ។ សមាជិកគុនខ្មែរជម្រើសជាតិកម្ពុជាបានឈ្នះ៣ទឹកដាច់លើម្ចាស់ផ្ទះ ហើយយកមេដាយមាសតែមួយគត់ក្នុងចំណោមកីឡាករគុនខ្មែរដែលទៅស៊ីហ្គេមឆ្នាំនេះ ខណៈអ្នកផ្សេងៗទៀតបានត្រឹមមេដាយសំរឹទ្ធ។ ឌីណា បានក្លាយជាកីឡាករគុនខ្មែរទី២ បន្ទាប់ពីឃុន ឌីម៉ា ធ្វើបានក្នុងឆ្នាំ២០១៧ សម្រាប់ប្រភេទទម្ងន់៦៣គីឡូក្រាម៥០០ដូចគ្នា៕

ក្រុមកីឡាករហែលទឹកកម្ពុជា ដណ្ដើមបានមេដាយជាលើកដំបូងក្នុងវិញ្ញាសាហែលទឹកពាក់ជើងទា ប្រចាំព្រឹត្តិការណ៍ស៊ីហ្គេម នៅវៀតណាម។ តាមពិតទៅ នេះជាវិញ្ញាសាថ្មីសម្រាប់កម្ពុជានៅព្រឹត្តិការណ៍កីឡាអាស៊ីអាគ្នេយ៍ និងទើបតែហ្វឹកហាត់ក្នុងឆ្នាំ២០២នេះ ហើយក៏ដណ្ដើមបានមេដាយសំរឹទ្ធតែម្ដង។ មេដាយសំរឹទ្ធនោះធ្វើបានពីវិញ្ញាសាហែល​បណ្តាក់ ៤x២០០ម​ (surface) ​ដែល​មាន​កីឡាករ​រួម​មាន លឹម​ កែវឧត្តម​, ទួន​ ទិត្យ​សត្យា​, លឹម​ សុខវឌ្ឍន៍នន្ទ និងឆោម ច័ន្ទថន៕

ក្រុមបាល់ទះជម្រើសជាតិកម្ពុជា ទទួលបានចំណាត់ថ្នាក់លេខ៣ ជាលើកដំបូងក្នុងព្រឹត្តិការណ៍ស៊ីហ្គេម។ ប្រកួតចុងក្រោយ កម្ពុជាឈ្នះ ថៃដោយលទ្ធផល ៣សិតទល់នឹង២ នៅថ្ងៃសៅរ៍ ទី២១ ខែឧសភា នេះ។ មុនឈានដលើវគ្គសំខាន់នេះ កម្ពុជាបញ្ចប់លេខ២ក្នុងពូល B ដោយឈ្នះហ្វីលីពីន ៣សិតទល់នឹង១ និងចាញ់ថៃ២សិតទល់នឹង៣។ ក្នុងវគ្គពាក់កណ្ដាលផ្ដាច់ព្រ័ត្រ កម្ពុជាចាញ់ឥណ្ឌូនេស៊ី ៣សិតទល់នឹង១៕    

កម្ពុជាទទួលបានមេដាយមាសមួយគ្រឿងទៀតហើយនៅព្រឹកថ្ងៃព្រហស្បតិ៍ ទី១៩ ខែឧសភា នេះ។ នេះក៏ជាមេដាយមាសទី១ពីកីឡាចំបាប់សម្រាប់កម្ពុជា នៅស៊ីហ្គេម ក្នុងប្រទេសវៀតណាម។ មេដាយមាសនេះរកបានដោយកីឡាករ ស៊ូ បាលី ក្នុងវិញ្ញាសា Freestyle ទម្ងន់ ១២៥ គីឡូក្រាម ក្រោយយកឈ្នះឡាវ ១០-០៕

ថ្ងៃពុធ ទី១៨ ខែឧសភា នេះ កម្ពុជាបានមេដាយមាស២គ្រឿងពីកីឡាតេក្វាន់ដូ WT និងវ៉ូវីណាម។ កីឡាតេក្វាន់ដូ WT កម្ពុជា កីឡាករ វ៉ា មិថុនា ឈ្នះហ្វីលីពីនដណ្ដើមបានមេដាយមាស លើប្រភេទវិញ្ញាសាបុរស Kyorugi ទម្ងន់ ក្រោម ៧៤ គីឡូក្រាម។ ចំណែកកីឡាករ លី បូរ៉ាមី, កីឡាករ ជ្រិន ប៊ុនឡុង, ...

ក្រុមបាល់ទះបុរសកម្ពុជា បានប្រកួតចាញ់ថៃ ដោយលទ្ធផល ២សិតទល់នឹង៣ ក្នុងការប្រកួតបិទពូល B នៅថ្ងៃពុធ ទី១៨ ខែឧសភា។ កម្ពុជា នាំមុខ២សិតមុន ដោយលទ្ធផល ២៥ទល់នឹង២២, ២៥ទល់នឹង២០ មុនថៃឈ្នះវិញ ២៥ទល់២២, ២៥ទល់២០ និង១៥ទល់១១។ ដូច្នេះកម្ពុជា បញ្ចប់នៅលេខ២ពូល B ដោយមាន៤ពិន្ទុ ពីការឈ្នះហ្វីលីពីន និងចាញ់ថៃប្រកួតចុងក្រោយ ហើយឡើងទៅវគ្គពាក់កណ្ដាលផ្ដាច់ព្រ័ត្រជាប្រវត្តិសាស្ត្រតែម្ដង។ កម្ពុជាត្រូវប៉ះក្រុមលេខ១ពូល ...

កីឡាការិនី វង់ ចន្ថា និងកីឡាករ ស៊ិន វង់ ដណ្ដើមបានមេដាយមាសប៉េតង់វិញ្ញាសា បុរស-នារី ២ទល់២។ គូកម្ពុជាមួយគូនេះបានឈ្នះក្រុមវៀតណាម ដោយលទ្ធផល ១៣ទល់នឹង៤។ នេះជាមេដាយមាសទី២សម្រាប់កម្ពុជា បន្ទាប់បឺត សង្ឃឹម ដណ្ដើមបានក្នុង​ប្រភេទកីឡា kickboxing៕

សម្រាប់វិញ្ញាសា២ទល់នឹង២ ប្រកួតដោយកីឡាករ ពុធយ៉ុន ច័ន្ទដារ៉ា និងកីឡាករ ភាព រ៉ាឃីម និងចាញ់ក្រុមស្វីសក្នុងវគ្គពាក់កណ្ដាលផ្ដាច់ព្រ័ត្រ។ គួររំឭកថា សហព័ន្ធកីឡា ប៉េតង់ និងប៊ូលកម្ពុជាបានបញ្ជូនគណៈប្រតិភូ គូ្របង្វឹក និងកីឡាករ-កីឡាការិនីចំនួន៧នាក់ទៅចូលរូមព្រឹត្តិការណ៍ការប្រកួតជើងឯកកីឡាប៉េតង់កម្រិតពិភពលោក “The World Championships Singles .Doubles and Mixed Doubles 2022” នៅប្រទេសដាណឺម៉ាក់ដែលប្រព្រឹត្តថ្ងៃទី១២ដល់ថ្ងៃទី១៥ ខែឧសភា ឆ្នាំ២០២២ ...