James Maddison បានដកខ្លួនចេញពីក្រុមជម្រើសជាតិអង់គ្លេសសម្រាប់ការប្រកួតជម្រុះ Euro 2024 នៅខែវិច្ឆិកា ដោយសាររបួសកជើង។

ខ្សែបម្រើវ័យ២៦ឆ្នាំរូបនេះបានរងរបួសនៅក្នុងការប្រកួតដែល Tottenham ចាញ់ Chelsea ៤-១ នៅ Premier League កាលពីថ្ងៃចន្ទ។

អង់គ្លេស​ប្រកួត​តទល់ម៉ាល់តា​នៅ​កីឡដ្ឋាន Wembley នៅ​ថ្ងៃ​សុក្រ ទី ១៧ វិច្ឆិកា មុន​នឹង​ធ្វើ​ដំណើរ​ទៅ​ប្រទេស​ម៉ាសេដ្វាំងខាង​ជើង​បី​ថ្ងៃ​បន្ទាប់។

Tottenham បាននិយាយថា Maddison នឹងនៅទទួលការព្យាបាលក្នុងក្លិប។

ក្លិប​មិន​បាន​បញ្ជាក់​ថា​តើ​ពួកគេ​រំពឹង​ថា​កីឡាករ​រូប​នេះ​ត្រូវ​អវត្តមាន​រយៈពេល​ប៉ុន្មាន​នោះ​ទេ។

Maddison រកបាន៣គ្រាប់ និង assist ឱ្យមិត្តរួមក្រុមចំនួន៥ដងក្នុង១១ប្រកួត Premier League សម្រាប់ Spurs ចាប់តាំងពីចូលរួមពី Leicester City ក្នុងតម្លៃ៤០លានផោនកាលពីខែមិថុនា៕