ក្រុមរបស់អតីតគ្រូភ្នំពេញក្រោនទទួលបានលេខ២នៅ AFC Cup
ក្លិប Al-Seeb របស់លីគកំពូលអូម៉ង់ បានក្លាយជាម្ចាស់ជើងឯក AFC Cup រដូវកាល២០២២ ក្រោយឈ្នះក្លិប Kuala Lumpur FA របស់លីគកំពូលម៉ាឡេស៊ី ដោយលទ្ធផល ៣ទល់នឹង០ ក្នុងវគ្គផ្ដាច់ព្រ័ត្រ នៅថ្ងៃសៅរ៍ ទី២២ ខែតុលា នាពហុកីឡដ្ឋាន Bukit Jalil រាជធានីគូឡាឡាំពួរ ប្រទេសម៉ាឡេស៊ី។
នេះជាការបង្ហាញខ្លួនលើកដំបូងរបស់ Kuala Lumpur FA ក្នុងវគ្គផ្ដាច់ព្រ័ត្រពានរង្វាន់លំដាប់ទី២ អាស៊ី ប៉ុន្តែពួកគេពិតជាធ្វើបានល្អក្រោមការបង្ហាត់ពីលោក Bojan Hodak។ គ្រូបង្គោលជនជាតិក្រូអាតរូបនេះធ្លាប់ដឹកនាំភ្នំពេញក្រោន កាលឆ្នាំ២០១១។
ដោយឡែក ក្រុមជើងឯក AFC Cup ២០២២ នឹងមានកៅអីក្នុងវគ្គជម្រុះ AFC Champions League រដូវកាល២០២៣/២០២៤៕
