ធន់ ផានិត និង រិន ដេវីដ គុនខ្មែរទាំង២រូបនេះបើមិនប្រែប្រួលនោះទេ គឺនិងជួបគ្នាប្រជែងដណ្តើមយកប្រាក់លាននៅសង្វៀនស៊ីអិនស៊ីនាចុងសប្តាហ៍ថ្ងៃសៅរ៍ខាងមុខនេះ។

គួររំលឹកថា ជួបគ្នា៣លើកមកហើយ កូនសិស្សរបស់លោកគ្រូ ធន់ សុភា នៅមិនទាន់អាចប្រកួតឈ្នះលើកូនសិស្សរបស់លោកគ្រូ ស្វាយ សុខុន បាននៅឡើយទេ ពោលគឺ ចាញ់១និងស្មើ២ដង។ សម្រាប់ជំនួបលើកនេះ កីឡាករដែលមានដើមកំណើតនៅ ស្រុកបទុមសាគរ ខេត្តកោះកុង បានតាំងចិត្តហើយថា និងព្យាយាមយកឈ្នះឲ្យបានតាមរយៈការផ្តូរបច្ចេកទេសប្រកួត ព្រោះជួបកន្លងមកគឺ ដេវីដ ល្អតែមាត់ហើយនិងទាត់ ដូច្នេះរូបគេអាចនិងយកបច្ចេកទេសមួយនេះមកសងសឹកវិញនៅថ្ងៃសៅរ៍ចុងសប្តាហ៍នេះ។

ចំណែកឯកូនសិស្សហាត់នៅក្លិប នាគរាជចុតុមុខ រិន ដេវីដ វិញក៏បានឲ្យដឹងដែរថាៈ ចំណុចល្អធន់ ផានិត គឺល្អបុកនិងអុកជង្គង់ តែអាវុធរាងនៅស្រាល ដូច្នេះរូបគេមិនសូវជួបការលំបាក់ច្រើននោះទេ តែប្រុងប្រយ័ត្នជានិច្ច ព្រោះបើហ្វឹកហាត់មិនដល់អាចចាញ់ដោយសារការចូលបុករបស់ ផានិត តែទោះបីជាយ៉ាងណា អ្នកស្រុកព្រែកតាទែន ខេត្តកណ្ដាល រូបនេះនិងប្តេជ្ញាដូចគ្នាថា និងព្យាយាមប្រកួតឲ្យអស់ពីសមត្ថភាពដើម្បីដណ្តើមយកប្រាក់លាន។ សូមបញ្ជាក់ថា ក្រៅពីជំនួបដណ្តើមប្រាក់លានរវាង ធន់ ផានិត និង រិន ដេវិដ ក៏មានគូដណ្តើមប្រាក់លានមួយទៀតគឺ វេង សុភ័ក្រ និង សោម វិច្ឆ័យ ផងដែរ ដោយការប្រកួតនិងចាប់ផ្តើមផ្សាយផ្ទាល់នៅរសៀលថ្ងៃសៅរ៍ ទី២៤ ខែកក្តដា ចាប់ពីម៉ោង ២រសៀលតទៅ៕ (មានវីដេអូនៅខាងក្រោម)