តាមការចុះផ្សាយពីសារព័ត៌មានក្នុងមួយបានឲ្យដឹងថា សហព័ន្ធកីឡាបាល់ទាត់កម្ពុជា បានកោះហៅកីឡាករយុវជនអាយុក្រោម១៧ឆ្នាំ ចំនួន ២៩នាក់ ដើម្បីហ្វឹកហាត់ដំណាក់កាលទី១ មុនជ្រើសរើសចូលក្រុមជម្រើសជាតិកម្ពុជា អាយុក្រោម ១៧ឆ្នាំ ត្រៀមប្រកួតពានយុវជនអាស៊ីអាយុក្រោម ១៧ឆ្នាំ នៅខែតុលា ខាងមុខ។

យុវជនទាំង២៩នាក់នោះមានមកពីសាលាបាទី, វិសាខា, ភ្នំពេញក្រោន និងអាស៊ីអឺរ៉ុបយូណាយធីត។ ការហ្វឹកហាត់ដំណាក់កាលទី១នឹងធ្វើឡើងនៅថ្ងៃអាទិត្យ ទី១១ និងថ្ងៃចន្ទ ទី១២ ខែកញ្ញា នេះ។

គួរបញ្ជាក់ថា ការប្រកួតជម្រុះយុវជនអាស៊ីអាយុក្រោម ១៧ឆ្នាំ (AFC U-17 Asian Cup) ប្រព្រឹត្តទៅពីថ្ងៃទី០៥ ដល់ថ្ងៃទី០៩ នៅខែតុលា ឆ្នាំ២០២២ ដោយក្រុមជម្រើសជាតិកម្ពុជា អាយុក្រោម ១៧ឆ្នាំ ស្ថិតនៅពូល G ជាមួយម្ចាស់ផ្ទះទឹកដីកណ្ដាល អូស្ត្រាលី, ចិន និងកោះម៉ារីណាខាងជើង៕