ដូចការសង្ស័យមែន! បឹងកេតបង្ហាញខ្លួន Zazai ជាផ្លូវការ
Mustafa Zazai បានបង្ហាញខ្លួនជាសមាជិកថ្មីរបស់បឹងកេតជាផ្លូវការហើយនៅរសៀលថ្ងៃសុក្រ ទី១៤ ខែមករា ឆ្នាំ២០២២ ពោលមួយថ្ងៃបន្ទាប់ពីការមកដល់របស់អតីតមិត្តរួមក្រុមនៅវិសាខា គឺ Ajayi Opeyemi Okerede។
នេះក៏ជាការប្រកាសផ្លូវការបន្ទាប់ពីដំណឹងនៃការផ្ទេរ Zazai ទៅបឹងកេតកើតឡើងជិតមួយសប្ដាហ៍មកហើយនោះ។
Mustafa Zazai បានទំនេរតាំងពីចាកចេញពីវិសាខា ជើងទី២ រដូវកាល២០២១។ កីឡាករជម្រើសជាតិអាហ្វហ្គានីស្ថានធ្លាប់លេងនៅភ្នំពេញក្រោន កាលឆ្នាំ២០១៩ មុនផ្លាស់ទៅវិសាខា រដូវកាល២០២០។
កីឡាករវ័យ២៨ឆ្នាំនឹងពាក់អាវលេខ៧នៅបឹងកេត៕
