Diego Costa កំពុងសំរេចចិត្តមកលេងនៅ Premier League វិញ
អតីតខ្សែប្រយុទ្ធរបស់ក្រុមតោខៀវ Chelsea កំពុងមានទំនាក់ទំនងក្នុងការផ្លាស់ប្តូរមកលេងក្នុងក្របខ័ណ្ឌ Premier League វិញនៅរដូវកាលក្រោយ។
Diego Costa បានចាកចេញពី Chelsea ទៅចូលរួមជាមួយ At.Madrid កាលពីខែមករាឆ្នាំ ២០១៨ ប៉ុន្តែបើតាមរបាយការណ៏ថ្មីៗនេះបានអោយដឹងថា ម្ចាស់ក្លឹប Everton គឺលោក Farhad Moshiri កំពុងចាប់អារម្មណ៏នាំយកខ្សែប្រយុទ្ធជនជាតិអេស្ប៉ាញរូបនេះមកជួយក្លឹបនៅរដូវកាលក្រោយ។
ប៉ុន្តែព័តមានខាងលើស្ថិតក្នុងមន្ទិលសង្ស័យនៅឡើយ ព្រោះភាគីទាំងសងខាងមិនទាន់បើកការចរចារជាផ្លូវការនៅឡើយទេ។
គួរបញ្ចាក់ថា Everton បាននាំចូលកីឡាករថ្មីចំនួន២រូបរួចមកហើយក្នុងទីផ្សារដោះដូវកីឡាករនេះ ដែលមានដូចជា អ្នកចាំទី Jonas Lossl ដែលផ្ទេរចេញពីក្រុម Huddersfield និងខ្សែបំរើ Andre Gomes នាំចូលពី FC Barcelona៕
