(BC-99)

Ciro Immobile បាន​និយាយ​ថាគេ​ស្ទើរ​តែ​មិន​ជឿ​ថា​ខ្លួន​ឯង​ស៊ុត​បាល់​បាន​ច្រើន​ជាង​ Cristiano Ronaldo និង Lionel Messi នឹងបាន​ក្លាយ​ជា​ម្ចាស់​ពាន​រង្វាន់​ស្បែកជើងមាសក្រោយ​ពី​បញ្ចប់​រដូវ​កាល​នេះ​។

កីឡាករ Lazio វ័យ​៣០​ឆ្នាំ​រូប​នេះ​បាន​រក​គ្រាប់​បាល់​សរុប​អោយ​ក្រុម​របស់​ខ្លួន​ក្នុង​ក្របខណ័្ឌ Serie A ចំនួន ៣០ គ្រាប់​ក្នុង​រដូវ​កាល ២០១៩-២០២០ បន្ទាប់​ពីបាន​ឆ្លង​កាត់​ចំនួន​ ៣៧ ប្រកួត។​

ដោយ​បាន​ជួយ​អោយ​ Lazio មាន​កៅ​អី​ប្រជែង​យក​ពាន​រង្វាន់​អឺរ៉ុប Champions League នៅ​រដូវ​កាល​ក្រោយ​ Immobile បាន​បញ្ជាក់​​ថា​នេះ​គឺ​ជា​ផ្នែក​មួយ​នៃ​គោល​ដៅ​របស់​ក្លឹប​ដែល​សម្រេច​បាន​បន្ទាប់​ពី​ឈរ​នៅ​លេខ​រៀង​ទី៤និង​ចាញ់​តែ​ ៥ ពិន្ទុពីក្រោយក្រុមជើងឯក Juventus ​។ មិន​ត្រឹម​តែ​ប៉ុណ្ណោះ​ទៀត​សោតកីឡាករ​ជម្រើស​ជាតិ Italy រូប​នេះ​ក៏​បាន​លើក​ឡើង​បន្ថែម​អំពី​ការ​ជួយ​ជ្រោម​ជ្រែង​ពី​មិត្ត​រួម​ក្លឹប Lazio ទាំង​អស់​គ្នា​ដែល​បាន​ចូល​រួម​សហការណ៍​យ៉ាង​ជិត​ស្និទ្ធ​ចំពោះ​គេ។

គួរ​បញ្ជាក់​ដែរ​ថានៅ​រដូវកាល​ ២០១៩-២០២០​ ដែល​ទើប​តែ​បញ្ចប់​នេះ​មាន​តែ​ក្រប​ខណ្ឌ Serie A ទេ​ដែល​កីឡាករ​ម្ចាស់​ស្បែក​ជើង​មាស​ស៊ុត​បាល់​បញ្ចូល​ទី​បាន​ច្រើន​ជាង​គេ​បើ​ធៀប​ទៅ​នឹង​ក្របខណ្ឌ​កំពូល៤​ទៀត​នៅ​អឺរ៉ុប​ដែល​មាន​ដូច​ជា Lewandowski ស៊ុត​ប​ញ្ចូល​ទី​បាន​ ៣៤ គ្រាប់​នៅ Bundesliga ។ Lionel Mess iស៊ុត​ប​ញ្ចូល​ទី​បាន​ ២៥ គ្រាប់​នៅ La Liga ។ Jamie Vardy ស៊ុត​ប​ញ្ចូល​ទី​បាន​ ២៣ គ្រាប់​នៅ Premier League និង Kyllian Mbappe ស៊ុត​បាន ១៨ គ្រាប់​នៅ Ligue 1 ៕