ថ្ងៃនេះម្ចាស់ខ្សែក្រវាត់៣គ្រឿង ឡៅ ចិត្រា ភ្ជាប់ពាក្យនៅខេត្ត
នៅថ្ងៃទី ២១ ខែ មីនា ឆ្នាំ ២០២០ ម្ចាស់ខ្សែក្រវាត់៣គ្រឿងគុនខ្មែរ ឡៅ ចិត្រា បានរកគូជីវិតរបស់គេឃើញហើយដោយបានធ្វើពិធីភ្ជាប់ពាក្យនៅខេត្ត កែប នឹងគ្រោងរៀបការនៅថ្ងៃខាងមុខតាមប្រពៃណីខ្មែរ ។ ពួកគេទាំងពីរបានស្វែងយល់ចិត្តគ្នាយូរគួរសមដែរហើយមុននឹងបានសម្រេចចាប់ដៃគ្នាជាគូអនាគតនេះ ។ អនាគតភរិយារបស់អ្នកប្រដាល់ជួរមុខរបស់ប្រទេសកម្ពុជានេះជាកូនអ្នករស់នៅខេត្ត កែប ដែលមានឈ្មោះថា វេត វណ្ណនន់ ។ សូមបញ្ជាក់ថា ឡៅ ចិត្រា ជាអ្នកប្រដាល់ល្បីឈ្មោះមួយរូបរបស់គុនខ្មែរដោយគេធ្លាប់គ្រងខ្សែក្រវាត់ចំនួន៣គ្រឿង និងជាម្ចាស់មេដាយសំរិទ្ធស៊ីហ្គេមចំនួន២សម័យពោលនៅឆ្នាំ ២០១៧ និង ២០១៩ ផងដែរ ៕
