ក្រុមតោកំណាចអង់គ្លេសបានបញ្ចប់នៅលើកំពូលតារាងក្នុងពូល C បន្ទាប់ពីពួកគេត្រូវបញ្ចប់ក្នុងលទ្ធផលស្មើគ្នាជាមួយស្លូវេនីក្នុងទីក្រុងកូឡូញកាលពីយប់មិញ។|
សម្លេងស្រែកដោយការមិនពេញចិត្តរបស់អ្នកគាំទ្រអង់គ្លេសត្រូវបានលឺឡើងបន្ទាប់ពីបញ្ចប់ការប្រកួតតែទោះជាយ៉ាងណាការស្មើគឺគ្រប់គ្រាន់សម្រាប់ស្លូវេនីផងដែរដើម្បីឈានទៅវគ្គបន្តនៅចំណាត់ថ្នាក់លេខ3 ជាមួយនឹងចំណាត់ថ្នាក់លេខ2 ដាណឺម៉ាក។ ក្រុមអង់គ្លេសនឹងត្រូវរងចាំរហូតដល់ថ្ងៃពុធដើម្បីដឹងច្បាស់ថាគូប្រកួតវគ្គ16 ក្រុមចុងក្រោយរបស់ពួកគេ ខណៈដែលប្រទេសហូឡង់ ឬក្រុមចំណាត់ថ្នាក់លេខ3 ក្នុងពូល E រងចាំនៅចុងសប្តាហ៍។

នៅពេលត្រូវបានសួរអំពីប្រតិកម្មខឹងសម្បារពីអ្នកគាំទ្រអ្នកចាត់ការសញ្ជាតិអង់គ្លេស លោក Southgate បាននិយាយថា “ខ្ញុំយល់អំពីរឿងនេះ។ ប៉ុន្តែ​វា​កំពុង​បង្កើត​បរិយាកាស​មិន​ប្រក្រតី​ក្នុង​ការ​ធ្វើ​ប្រតិបត្តិការរបស់ពួកយើង។ ខ្ញុំ​មិន​បាន​ឃើញ​ក្រុម​ណា​ផ្សេង​ទៀត​មាន​លក្ខណៈ​សម្បត្តិ​គ្រប់គ្រាន់ និង​ទទួល​បាន​ភាព​ស្រដៀង​គ្នា​នោះ​ទេ»។ គាត់​បាន​បន្ថែម​ថា​៖ «​ខ្ញុំ​យល់​ពី​ប្រតិកម្ម​មួយ​ចំនួន ប៉ុន្តែ​វា​ជា​បរិយាកាស​ចម្លែក​មួយដែលអាចធ្វើឲ្យកីឡាករបាក់ទឹកចិត្ត​»។|