បេក្ខភាព​ទម្ងន់ធ្ងន់គុនខ្មែរលំដាប់កំពូលម្នាក់ទៀតហើយ គឺម្ចាស់មេដាយមាស ស៊ីហ្គេម ឆ្នាំ២០២៣ ព្រំ សំណាង នឹងត្រូវចេញដំណើរ ទៅប្រកួត នៅប្រទេសបារាំង នាខែមិថុនា ខាងមុខ។ នេះបើតាមការបញ្ជាក់ពីលោក សឿ វណ្ណៈ អ្នករៀបចំកម្មវិធី Kun Khmer Super Fight។ អតីតពិធីករកីឡារូបនេះបានបញ្ជាក់ថា  “៖ Kun Khmer Super Fight” សូមអរគុណយ៉ាងជ្រាលជ្រៅ​ ...

បើមិនមានការប្រែប្រួលទេនោះ កម្មវិធី​ប្រកួតលក្ខណៈ​អន្តរជាតិ KUN KHMER SUPER FIGHT នៅប្រទេសបារាំង នឹងធ្វើឡើងនៅថ្ងៃទី០១ ខែមិថុនា ឆ្នាំ២០២៤។ នេះបើតាមការបញ្ជាក់ពីលោក សឿ វណ្ណៈ។ សមាជិកស្ថាបនិក Kun Khmer Super Fight ខាងលើលម្អិតបែបនេះ “៖ ឆ្នាំ2024 ការប្រកួតថ្នាល កំពុងបន្តទៅមុខ ដោយមានការប្រកួតដណ្តើមម៉ូតូ និងខ្សែក្រវ៉ាត់ ជាច្រើនគ្រឿង។ ឯ ...

ឯកឧត្តម វ៉ាត់ ចំរើន អគ្គលេខាធិការគណៈ កម្មាធិការ ជាតិអូឡាំពិកកម្ពុជា (NOCC) លើកឡើងថា កម្ពុជា ក្នុងនាមជាម្ចាស់ផ្ទះ រៀបចំការប្រកួត កីឡាយុវជន អាស៊ី លើកទី៥ (5th Asian Youth Game) ឆ្នាំ២០២៩ មានសិទ្ធតស៊ូមតិដាក់កីឡាសក្ដានុពល និងកីឡាអត្ដសញ្ញាណរបស់ខ្លួន ទៅក្រុមប្រឹក្សា កីឡាអូឡាំពិកអាស៊ី។ NOCC នឹងតស៊ូមតិ ដាក់ ...

គ្រូប្រដាល់គុនខ្មែរ លោក សួង បញ្ញា បានស្នើទៅកាន់អេដមីនផេកនានា ធ្វើយ៉ាងណាចៀសវៀងក្នុងការសម្ភាស​កីឡាករ​ភ្លាមៗពេលទើបចុះពីលើសង្វៀន។ គ្រូបង្វឹកក្លិប Super Fight សង្កត់ធ្ងន់ថា កីឡាករមួយចំនួនមានបញ្ហាស្មារតី ពោលមិនទាន់គ្រប់គ្រងអារម្មណ៍បានល្អនៅឡើយ ជាពិសេសអ្នកដែលទើបសន្លប់លើសង្វៀន។ អ្នកខ្លះគ្រប់គ្រងអារម្មណ៍មិនបានល្អ ប៉ះពាល់ដល់ការនិយាយ នាំឱ្យមានការរិះគន់។ លោក សួង បញ្ញា សង្កត់ធ្ងន់ថា គួរតែទុកពេលឱ្យកីឡាករបានសម្រួលខ្លួន និងអារម្មណ៍ប្រសើរឡើងវិញ ទើបមិនមានបញ្ហា៕

កីឡាករគុនខ្មែរ ឡុង សុវណ្ណឌឿន(ដន ឌឿន) នឹងទទួលបានដីមួយប្លង់(ដីមួយឡូតិ៍) បើឈ្នះកីឡាករ ព្រំ សំណាង(រុំ សំណាង) ក្នុងការប្រកួតជើងឯកថ្នាក់ជាតិប្រចាំឆ្នាំ ២០២៣ វគ្គផ្តាច់ព្រ័ត្រដណ្តើមមេដាយមាស  ។ គ្រូបង្វឹកក្នុងក្លិបប្រដាល់គុនខ្មែរនារាយណ៍តេជះ បានបង្ហើបថា បើគាត់ទទួលបានជ័យជម្នះលើកីឡាករ ព្រំ សំណាង ខាងម្ចាស់គណនី Facebook (គ្រួសារដីឡូតិ៍ នៅកម្ពុជា) នឹងជូនដីមួយកន្លែងសម្រាប់លើកទឹកចិត្តគាត់ក្នុងការប្រឹងប្រែងប្រកួតនេះ ។ ទោះបី ព្រំ ...

ម្ចាស់មេដាយមាសគុនខ្មែរថ្នាក់ជាតិឆ្នាំ២០២៤នេះនឹងទទួលបានប្រាក់រង្វាន់លើកទឹកចិត្ត១០០០ដុល្លារអាមេរិក។ នេះបើតាមស្មារតីអង្គប្រជុំនៃសហព័ន្ធកីឡាប្រដាល់គុនខ្មែរនាពេលថ្មីៗនេះ។ ការប្រកួតកីឡាគុនខ្មែរ ជ្រើសរើសជើងឯកថ្នាក់ជាតិ ប្រចាំឆ្នាំ២០២៣ នឹងប្រព្រឹត្តទៅនៅភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង (ក្នុងដីឡូដ៍ជិតច្រមុះជ្រូករូបសំណាកព្រះគោព្រះកែវ) ដែលមានរយៈពេល៤ថ្ងៃចាប់ពីថ្ងៃទី២៩ មករាដល់ ថ្ងៃទី០១ ខែកុម្ភៈ ឆ្នាំ២០២៤ ក្រោមការរៀបចំដោយសហព័ន្ធកីឡាប្រដាល់គុនខ្មែរ។ លោកឧត្តមសេនីយ៍ទោ ខូវ ឆាយ នាយកមជ្ឈមណ្ឌលកីឡាកងយោធពលខេមរភូមិន្ទ និងជាអនុប្រធានទី១ សហព័ន្ធកីឡាប្រដាល់គុនខ្មែរបានគូសបញ្ជាក់ថា ការប្រកួតកីឡាប្រដាល់គុនខ្មែរ ជ្រើសរើសជើងឯកថ្នាក់ជាតិប្រចាំឆ្នាំ២០២៣ទទួលបានការចុះឈ្មោះចូលរួមសម្រាប់វិញ្ញាសាប្រយុទ្ធបុរស មានកីឡាករសរុប ១០១នាក់ ...

ទីបំផុត អាឡិចសាន់ដ្រូ ទទួលបានព្រះរាជក្រឹត្យ ត្រាស់បង្គាប់ផ្ដល់សញ្ជាតិខ្មែរ ពីព្រះមហាក្សត្រហើយ។ គេមានឈ្មោះជាខ្មែរថា សែន ចាន់រិទ្ធីស័ក្តិ។ អាឡិចមានវ័យ២៩ឆ្នាំបច្ចុប្បន្នហ្វឹកហាត់នៅក្លិបខ្លារខិនដែលមានលោករីកគីជាគ្រូបង្វឹក។ គេក៏ធ្លាប់ហ្វឹកហាត់នៅប្រទេសថៃផងដែរ មុនមកដល់កម្ពុជាអំឡុងដើមឆ្នាំ២០២៣។ គេមានបំណងប្រាថ្នាកាន់ទង់ជាតិខ្មែរក្នុងការប្រកួត ហើយឥឡូវនេះបានសម្រេចហើយ។ អាឡិចក៏ក្លាយជាកីឡាករប្រដាល់ជនជាតិប្រេស៊ីលទី២បន្ទាប់ពី Thiago ដែលទទួលបានសញ្ជាតិខ្មែរ៕

ការប្រកួតកីឡាការ៉ាតេជ្រើសរើសជើងឯកថ្នាក់ជាតិ ឆ្នាំ២០២៣ គឺមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៩២នាក់ មកពី ២៦សមាគម/ក្លិបទូទាំងប្រទេស ។ ចំពោះការប្រកួត មានរយៈពេល ៣ថ្ងៃ ចាប់ពីថ្ងៃទី១២-១៤ ខែមករា ឆ្នាំ២០២៤។ ចំពោះក្លិបកីឡាការ៉ាតេ-ដូចំនួន ៥ បានបញ្ជូនកីឡាករ-កីឡាការិនីច្រើនជាងគេរួមមានក្លិបកីឡាការ៉ាតេ-ដូ ក្រសួងការពារជាតិ ក្លិបកីឡាការ៉ាតេ-ដូ ក្រសួងមហាផ្ទៃ ក្លិបកីឡាការ៉ាតេ-ដូ ក្រសួងសេដ្ឋកិច្ច និងហិរញ្ញវត្ថុ ក្លិបកីឡាការ៉ាតេ-ដូ ហនុមាន ...

កីឡាការិនីគុនខ្មែរ ទូច ចន្ទវត្តី គ្រោងនឹងប្រកួតដណ្តើមខ្សែក្រវាត់ជាមួយកីឡាការិនីអូស្ត្រាលី Kim Townsend ដែលជាជើងខ្លាំងម្ចាស់ខ្សែក្រវាត់ ១០គ្រឿង ប្រចាំស្ថាប័នធំៗមានទាំងប្រដាល់សេរីគុនខ្មែរ និងប្រភេទកីឡា ឃីកបុកស៊ីង ផងដែរ ។ យោងតាមការបង្ហាញរបស់ស្ថាប័នរៀបចំការប្រកួតនៅប្រទេស អូស្ត្រាលី BOB Best of Best ឃើញថាកិឡាការិនីម្ចាស់មេដាយស៊ីហ្គេម២០២៣កម្ពុជា ទូច ចន្ទវត្តី ត្រូវប្រកួតជាមួយកីឡាការិនី Kim Townsend ដណ្តើមខ្សែក្រវាត់លើប្រភេទទម្ងន់ ...

គូស្នេហ៍ប្រដាល់គុនខ្មែរ សុខ រិទ្ធ និង នៅ ស្រីពៅ នឹងចូលរោងការថ្ងៃទី០៥ ខែន្រា ឆ្នាំ ២០២៤ នេះហើយ ក្រោយចងចំណងស្នេហ៍ប៉ុន្មានឆ្នាំមក។ សុខ រិទ្ធ ជាម្ចាស់មេដាយមាសស៊ីហ្គេមកាលឆ្នាំ២០២៣។ អ្នកទាំង២បានចាប់ផ្ដើមទំនាក់ទំនងស្នេហាជាមួយគ្នាអំឡុងការបោះជំរំហ្វឹកហាត់នៅស្តាតចាស់៕