បើមិនមានការប្រែប្រួលទេនោះ កម្មវិធី​ប្រកួតលក្ខណៈ​អន្តរជាតិ KUN KHMER SUPER FIGHT នៅប្រទេសបារាំង នឹងធ្វើឡើងនៅថ្ងៃទី០១ ខែមិថុនា ឆ្នាំ២០២៤។ នេះបើតាមការបញ្ជាក់ពីលោក សឿ វណ្ណៈ។

សមាជិកស្ថាបនិក Kun Khmer Super Fight ខាងលើលម្អិតបែបនេះ “៖ ឆ្នាំ2024 ការប្រកួតថ្នាល កំពុងបន្តទៅមុខ ដោយមានការប្រកួតដណ្តើមម៉ូតូ និងខ្សែក្រវ៉ាត់ ជាច្រើនគ្រឿង។ ឯ កម្មវិធី​ប្រកួតលក្ខណៈ​អន្តរជាតិ KUN KHMER SUPER FIGHT នៅប្រទេសបារាំង បើមិនមានការប្រែប្រួល គម្រោងធ្វើឡើង នា ថ្ងៃទី01 មិថុនា 2024
ក្នុងនោះ យើងមានការប្រកួតម៉ារ៉ាតុន ដណ្តើមខ្សែក្រវ៉ាត់ អមដោយទឹកប្រាក់ក្នុងប្រភេទទំងន់ Light Weight 135ផោន ស្មើរ 61.3kg ដែលមានកីឡាករគុនខ្មែរជើងខ្លាំងពីររូប និងបារាំងពីររូប
ដូច្នេះពួកយើងបានបង្កើតខ្សែក្រវ៉ាត់នេះឡើង ដោយគំនិតកូនខ្មែរ បងប្អូនអាច Comment រិះគន់បន្ថែម ដើម្បីកែលម្អ អោយល្អជាងនេះមុនទៅផ្សព្វផ្សាយនៅឆាកអន្តរជាតិ។ កីឡាករគុនខ្មែរ ដែលអាចឈ្នះខ្សែក្រវ៉ាត់នេះ នឹងត្រូវបានអញ្ជើញចូលរួមប្រកួត ក្នុងកម្មវិធីធំមួយទៀតនៅទីក្រុងប៉ារីស ថ្ងៃទី 27 មិថុនា 2024 ដែលជាការប្រកួត ម៉ារ៉ាតុនដូចគ្នា មានបួនប្រទេសចូលរួម អេស្ប៉ាញ អ៊ីតាលី បារាំង និង កម្ពុជា( Champion of Champion)។”