ភ្នំពេញក្រោនបានយកឈ្នះសមាគមកីឡាបាល់ទាត់កងយោធពលខេមរភូមិន្ទ ដោយលទ្ធផល ១ទល់នឹង០ ក្នុងការប្រកួតវគ្គផ្ដាច់ព្រ័ត្រ​ពានរង្វាន់មិត្តភាព Prince Beer នៅកីឡដ្ឋានព្រីនស៍របស់វិសាខា នៅថ្ងៃពុធ ទី០២ ខែកុម្ភៈ ឆ្នាំ២០២២។

ខាងក្រោមជារឿងរ៉ាវខ្លះៗក្រោយការប្រកួតវគ្គផ្ដាច់ព្រ័ត្រយ៉ាងកក្រើក ៖

១. នេះជាឆ្នាំទី២ជាប់ៗគ្នាដែល​ភ្នំពេញក្រោនលើកពានមិត្តភាពលើដីវិសាខា បន្ទាប់ពីធ្វើបានសម្រេចកាលពីឆ្នាំទៅមិញ។

២. សំអុល ទីណា ពាក់លេខ២២ តែតបញ្ចូលទីមួយគ្រាប់ដែលជាគ្រាប់ទី២របស់គេក្នុងពាននេះ នៅថ្ងៃទី០២ ខែ០២ ឆ្នាំ២០២២ ជួយឲ្យភ្នំពេញក្រោនលើកទី២ ក្នុងឆ្នាំទី២ជាប់ៗគ្នា។

៣. ភ្នំពេញក្រោនមិនរបូតគ្រាប់បាល់ទាល់តែសោះក្នុងការប្រកួត ពោល clean sheet ទាំង៤ប្រកួត។

គួររំឭកថា ពានរង្វាន់មិត្តភាព Prince Beer នេះមាន៦ក្រុមចូលរួម បែងចែកជា២ពូល ដំណើរការពីថ្ងៃទី២៣ ដល់ថ្ងៃទី០២ ខែកុម្ភៈ នាកីឡដ្ឋានព្រីនស៍ និងស្តាតចាស់។

ដូច្នេះភ្នំពេញក្រោនដែលជាជើងឯកទទួលបានប្រាក់រង្វាន់៣០០០ដុល្លារ និងកងយោធពលខេមរភូមិន្ទបាន២០០០ដុល្លារ៕

រូបភាព ៖ ភ្នំពេញក្រោន