Chelsea ចង់បាន Hazard ត្រឡប់មកវិញខណៈដែល Newcastle ក៏ចង់បានខ្សែបម្រើប្រយុទ្ធរូបនេះដូចគ្នា
(BC-99)
Eden Hazard ត្រូវបានចាប់អារម្មណ៍ដោយក្លិបនៅក្របខ័ណ្ឌ Premier League ខណៈដែល Chelsea ចង់បានកីឡាកររូបនេះយកមកចូលរួមម្តងទៀតរីឯក្លិបអ្នកមានជាន់ថ្មី Newcastle ក៏ចង់បានខ្សែបម្រើស្លាបរបស់ Real Madrid ម្នាក់នេះដូចគ្នាដែរ។
ចាប់តាំងពីផ្លាស់ទៅ Bernabeu ពីតំបន់ West London ក្នុងតម្លៃ 103 លានផោនក្នុងឆ្នាំ 2019 កីឡាករវ័យ 30 ឆ្នាំរូបនេះបានប្រឈមមុខទៅនឹងបញ្ហាដ៏លំបាកដោយសារតែរបួសម្តងហើយម្តងទៀតដែលធ្វើឱ្យគេខកខានបញ្ចេញសតម្ថភាពនៅលើទីលាន។ Hazard បានស្ថិតនៅលើកៅអីបម្រុងក្នុងជំនួប El Clasico ដែលអធិរាជស Real Madrid បានប្រកួតឈ្នះក្រុមអ្នកមានបុណ្យ Barcelona ដោយមានលោក Carlo Ancelotti ជាអ្នកដឹកនាំ។
ទាក់ទងទៅនឹងកីឡាករជម្រើសជាតិ បែលហ្ស៊ិក នេះដែរលោក Ancelotti បាននិយាយថា៖ “Hazard មិនមែនជាបញ្ហាចោទរបស់ក្លិបដែលត្រូវតែដោះស្រាយទេ ព្រោះគេគឺជាកីឡាករដ៏ល្អម្នាក់។ តែជាការពិតនៅក្នុងក្លិបមួយតែងតែមានការប្រកួតប្រជែងគ្នារវាងសមាជិកជាមុនសិនមុននឹងអ្នកត្រូវបានទុកឱកាសឱ្យបញ្ចេញសមត្ថភាពនៅលើទីលាន”។
បើតាមការកត់សម្គាល់ប្រជាប្រិយភាពរបស់ Hazard នៅជាមួយក្លិបយក្សនាទឹកដីប្រទេស អេស្ប៉ាញ ហាក់ដូចជាមិនសូវមានភាពលេចធ្លោរដូចដែលរូបគេបាននៅជាមួយ Chelsea ឡើយ។ សន្ទស្សន៍ការវឹលមកកាន់ក្របខណ្ឌ Premier League ជាមួយអតីតក្លិបចាស់វិញមានចំនួនតិចតួចប៉ុណ្ណោះ តែការរំពឹងមួយនេះហាក់ដូចជាហក់ឡើងខ្ពស់ប្រសិនបើរូបគេពិតជាត្រូវ Newcastle United ចាប់អារម្មណ៍ចង់បានរូបគេមែន។
