Antoine Griezmann បានតែតបញ្ចូលទីមួយគ្រាប់ និងជាគ្រាប់ដំបូងរបស់គេសម្រាប់ Atletico Madrid ក្នុងក្របខណ្ឌ La Liga រដូវកាលនេះ។

គ្រាប់បាល់ដែល Griezmann រកបានសម្រាប់ការចូលរួមជាមួយ ATM សាជាថ្មីលើកិច្ចសន្យាខ្ចីពី Barcelona កើតឡើងក្នុងការប្រកួតស្មើ ២ទល់នឹង២ជាមួយម្ចាស់ផ្ទះ Levante នៅថ្ងៃព្រហស្បតិ៍ ទី២៨ ខែតុលា។

ខ្សែប្រយុទ្ធរូបនេះបានបង្ហាញខ្លួន៧ប្រកួតហើយនៅ La Liga រដូវកាលនេះ។ គេក៏រកបាន៣គ្រាប់ដែរក្នុងការប្រកួត UEFA Champions League។

គួររំឭកថា Griezmann បានផ្លាស់ពី Atletico Madrid ទៅ FC Barcelona ក្នុងខែកក្កដា ឆ្នាំ២០១៩ លើតម្លៃ១២០លានអឺរ៉ូ។ វត្តមានរបស់គេក្នុងក្រុមអ្នកមានបុណ្យត្រូវបានទស្សនិកជនមើលឃើញថា មិនទទួល​បានជោគជ័យឡើយ។

កីឡាករវ័យ៣០ឆ្នាំរកបាន​៩គ្រាប់នៅ La Liga រដូវកាលដំបូង និង១៣គ្រាប់រដូវកាលបន្ទាប់។ រយៈពេល២រដូវកាលនេះ គេរួមចំណែកឈ្នះបានតែ Copa del Rey មួយប៉ុណ្ណោះ ក្នុងរដូវកាល២០២០/២០២១៕