Guendouzi មិនដែលសរសើរគ្រូបង្វឹក Arsenal តែបានសរសើរគ្រូបង្វឹក Marseille ថាអស្ចារ្យ
(BC-99)
Matteo Guendouzi កំពុងរីករាយជាមួយអាជីពរបស់ខ្លួនក្រោមការដឹកនាំរបស់គ្រូបង្វឹក Olympia Marseille លោក Jorge Sampaoli ។
Guendouzi ដែលកំពុងតែបំពេញតួនាទីរបស់ខ្លួនក្នុងនាមជាកីឡាករខ្ចីជើងនៅទឹកដីបារាំងត្រូវបាន Arsenal ឱ្យជម្រើសចូលរួមជាអចិន្រ្តៃយ៍ជាមួយ Olympic Marseille បាននិយាយកាលពីម្សិលមិញថា៖ “លោក Jorge Sampaoli សម្រាប់ខ្ញុំគឺអស្ចារ្យណាស់! គាត់តែងតែបង្ហាញពីអារម្មណ៍ខ្វល់ខ្វាយនិងចង់បានជ័យជម្នះនៅតំបន់ Toucheline ពីមុខកៅអីកីឡាករបម្រុង។ គាត់ដើរទៅមកមិនតិចជាង ១០០០ ជំហាននោះទេ។ នៅពេលមួយគាត់បាននិយាយជាមួយខ្ញុំថា Matteo អ្នកគឺជាកីឡាករល្អម្នាក់ប៉ុន្តែជាមួយខ្ញុំអ្នកត្រូវតែល្អជាងនេះទៀតហើយត្រូវរៀននូវអ្វីដែលថ្មី។ ខ្ញុំពិតជាពេញចិត្តគាត់ និងចង់លេងជាមួយក្រុមគាត់ខ្លាំងណាស់”។
គួរបញ្ជាក់ដែរថា Matteo Guendouzi ត្រូវបានកាំភ្លើងធំ Arsenal ទិញពីក្លិប Lorient នៅឆ្នាំ ២០១៨ ក្រោយបានបង្ហាញខ្លួនចំនួន ៥៧ ប្រកួតរួចមករូបគេត្រូវបានក្លិបអនុញ្ញាតិឱ្យ Hertha BSC ខ្ចីយកទៅលេងនៅរដូវកាល ២០២០-២១ និងនៅរដូវកាលនេះបានឱ្យ Marseille ខ្ចីជាបន្តទៀត។
