(BC-99)

Leicester City កំពុងឈានដល់កិច្ចព្រមព្រៀងលក់​ខ្សែប្រយុទ្ធ Kamal Sowah ទៅ​ឱ្យ​ក្លិប Brugge បន្ទាប់​ពី​ក្រុម​បាល់​ទាត់​នៅ​ក្នុង​លីគ​កំពូល​នៃ​ប្រទេស​ បែលហ្ស៊ិក​ មួយ​នេះ​បាន​ខកខានទិញ​ខ្សែប្រយុទ្ធ Mohamed Daramy របស់ក្រុម FC Copenhagen ដែលបាន​សម្រេច​ចិត្ត​ទៅ​ចូលរួមជាមួយ Ajax ។

បើ​ទោះ​ជា Sowah គឺ​ជាកីឡាកររបស់ Leicester តាំង​ពី​ឆ្នាំ​ ២០១៧ មក​មែន​ក៏​កីឡាករ​ខ្សែប្រយុទ្ធ​សញ្ជាតិ ហ្គាណា រូប​នេះ​មិនបាន​ចូល​លេង​ឱ្យ​ក្រុម​កញ្ជ្រោង​ខៀវ ម្តងណា​ឡើយ ដោយ​ក្លិប​បាន​ឱ្យ​រូប​គេ​ទៅ​ចូល​រួម​លេង​ជា​មួយ​ OH Leuven តាំងពីឆ្នាំ ២០១៨ ជាទី​ដែល​ Club Brugge បាន​ដាក់​ចំណាប់​អារម្មណ៍​លើ​រូប​គេ​តែ​ម្តង​។

Kamal Sowah វ័យ​២១​ឆ្នាំ​ត្រូវ​បាន​សារព័ត៌មាន​របស់ ​បែលហ្សិក​ បង្ហើប​ឱ្យ​ដឹង​ថា​ Leicester City ដែល​ជា​ម្ចាស់​ដើម​បាន​ដាក់​តម្លៃ​ ៩ លានផោនប្រសិន​បើ Club Brugge ចង់​បានកំឱ្យ​ហួស​ថ្ងៃកំណត់ទិញ​ដូរ​កីឡាករ​ដែល​នឹង​ត្រូវ​បិទ​នៅសប្តាហ៍ក្រោយ។