West Ham United កាលពីយប់មិញបានយកឈ្នះ Leicester City ៤ទល់នឹង១ ក្នុងការប្រកួតទី២នៅក្របខ័ណ្ឌ Premier League រដូវកាល២០២១/២២។

៤គ្រាប់របស់ក្រុមម្ចាស់ផ្ទះរកបានដោយ Pablo Fornals, Said Benrahma និង Michail Antonio ២គ្រាប់ ខណៈ Youri Tielemans គឺជាអ្នករកគ្រាប់បាល់ឱ្យក្រុមភ្ញៀវ។

យ៉ាងណាក្តីសម្រាប់ជ័យជម្នះរបស់ក្រុមរហស្សនាមញញួរយក្សខាងលើនេះបានធ្វើឱ្យគ្រូបង្វឹក David Moyes បានបង្កើតកំណត់ត្រាថ្មីមួយផងដែរ ពោលគឺជាគ្រូបង្វឹកដែលដឹកនាំ West Ham United ឈ្នះការប្រកួត២លើកបើកឆាកនៅក្របខ័ណ្ឌ Premier League ចាប់តាំងពីឆ្នាំ១៩៩៧-៩៨មកម្ល៉េះ។

គួរឱ្យដឹងថា West Ham United ឡើងមកឈរនៅកំពូលតារាងជាបណ្តោះអាសន្ននៅក្របខ័ណ្ឌ Premier League ខណៈប្រកួតក្រោយរបស់ក្រុមនៅទីក្រុងឡុងដ៍មួយនេះគឺត្រូវបន្តស្វាគមន៍ Crystal Palce នាថ្ងៃទី២៨ ខែសីហា ខាងមុខនេះ។