(BC-99)

Real Madrid មិនទាន់ពិភាក្សាអំពីកុងត្រាថ្មីសម្រាប់ប្រធានក្រុម Los Blancos Sergio Ramos នៅឡើយទេប៉ុន្តែភ្នាក់ងាររបស់គាត់ទទូចថាគ្មានហេតុផលអ្វីដែលធ្វើអោយអ្នកណាម្នាក់ត្រូវ​ភិតភ័យនុះ​ឡើយ។

Ramos ដែល​បានចូលរួមជាមួយ Real Madrid ក្នុងឆ្នាំ ២០០៥ ពី Sevilla ដោយ​បានបង្ហាញខ្លួនជិត ៦៥០ ដងនិងឈ្នះពានរង្វាន់ជាច្រើនជា​មួយ​អធិរាជសត្រូវ​បាន​គេ​សង្ស័យ​ថា​នឹង​អាច​ចាក​ចេញ​ទៅ​រក​ក្លឹប​ណា​មួយ​ផ្សេង​ទៀត​។

បច្ចុប្បន្នកីឡាករវ័យ ៣៤ ឆ្នាំសញ្ជាតិអេស្ប៉ា​ញរូប​នេះ​កំពុងតែ​ខិតជិតដល់ពេលបញ្ចាប់​អាជីព​នៅ​ទឹក​ដី Bernabeu ដោយ​សារ​តែ​សុពល​ភាព​កិច្ច​សន្យា​ជិត​អស់​ក្រោយពី​គេ​បាន​ចូល​រួម​លេង​​ ២៥ ប្រកួតរដូវ​កាល​នេះ​ក្នុងពាន​រង្វាន់ La Liga អោយ​ក្រុម​ដែល​ដឹក​នាំ​ដោយ​អតីត​កីឡាករ​បារាំង​និង​ Real Madrid Zinedine Zidane។

កិច្ចព្រមព្រៀងរបស់ Ramos ជាមួយ Real Madrid នឹងផុតកំណត់ក្នុងរយៈពេលតែជាងមួយឆ្នាំទៀត​តែ​ប៉ុណ្ណោះ ដែលនេះ​បាន​បង្ហាញថាអនាគតវែងឆ្ងាយរបស់គេ​អាចនឹងមានសក្តានុពលនៅកន្លែងណា​មួយ​ផ្សេងទៀតប្រសិនបើក្រុម​ អធិរាជស ​មិនបន្តកិច្ច​សន្យា​ជា​មួយ​គេ។

ប៉ុន្តែភ្នាក់ងារដែល​ជា​តំណាំង​របស់ Ramos ហើយ​ក៏ជាបងប្រុសរបស់គេ​ឈ្មោះ Rene ជឿជាក់ថាភាគី​ខាង Real Madrid ប្រាកដ​ជា​ចង់អោយខ្សែការពារកណ្តាលរូបនេះលេង​រហូត​ចូលនិវត្តន៍នៅ Santiago Bernabeu ។

Rene បានប្រាប់វិទ្យុ Marca ថា “Ramos នឹងចូលនិវត្តន៍នៅ Real Madrid តែ​ម្តង វាគឺជាក្តី​បំណង​របស់គេ​ហើយនិង​ខ្ញុំហើយ​វាក៏ជាបំណងប្រាថ្នារបស់ក្លឹបផងដែរ។ រហូតមកដល់ថ្ងៃនេះយើងមិនបាននិយាយអំពីអ្វីទេ ប៉ុន្តែមិនចាំបាច់មានការភ្ញាក់ផ្អើលឡើយ​។ នៅពេលក្លឹបពិចារណាវាយើងនឹងចាប់ផ្តើមនិយាយគ្នា​” ។

គួរ​បញ្ជាក់​ដែរ​ថា Ramos និងលេង​អោយ​ក្រុម Real Madrid តទល់​ជា​មួយ​ម្ចាស់​ផ្ទះ Eibar នៅ​យប់​ថ្ងៃ​អាទិត្យ​នេះ​បន្ទាប់​ពី​ LaLiga បាន​ត្រឡប់​មក​ប្រកួត​បញ្ចប់​រដូវកាល​ ២០១៩-២០-២០ នេះ​វិញ​ ស្រប​ពេល​ដែល MYTV, CTN, CNC ក៏​ផ្សាយ​បន្ត​ផ្ទាល់​ពី​ការ​ប្រកួត​គូ​នេះ​ដែរ​ ។