មិត្តស្រីបច្ចុប្បន្ន របស់កីឡាករបារាំង ដែលកំពុង​លេចធ្លោរ Kylian Mbappe គឺកញ្ញា Alicia Aylies ដែលនាង​មានវ័យ ២០ឆ្នាំ និង​ជា​ម្ចាស់​ពានរង្វាន់​បវរកញ្ញាឯកបារាំង ឆ្នាំ ២០១៦។ ទំនាក់ទំនងរវាង Aylies និង Mbappe បានបែកធ្លាយ កាលពីខែឧសភា ឆ្នាំនេះ បន្ទាប់ពី​នាង​ត្រូវបានគេថតរូបបាន ពេលកំពុង​ទស្សនាការប្រកួត​របស់ក្លឹប Paris Saint-Germain ដែល Mbappe លេងនៅទីនោះ។

Alicia Aylies មិន​ត្រឹមតែជោគជ័យក្នុងអាជីពជាតារាម៉ូដែល និង​ជាប់ជាបវរកញ្ញានោះទេ តែនាងគឺជាកូនស្រី​របស់​អ្នក​មានជីវភាពធូរធារ ដោយ​មានឪពុក​ឈ្មោះ Philippe Allies បម្រើការងារជាប្រធានផ្នែកបរិស្ថាន និង​ម្តាយ​ឈ្មោះ Marie-Chantal Belfry ជាគ្រូបង្រៀន។ Aylies បាន​រៀន​ផ្នែក​ច្បាប់​នៅសកលវិទ្យាល័យ Guiana ក្នុងប្រទេសបារាំង៕