Liverpool មិនមាន​គម្រោង​លក់ Mohamed Salah ចំពេល​មាន​ការ​រំពឹង​ទុក​ថ្មី​ៗ​ដែល​ភ្ជាប់នឹង​ការ​ផ្ទេរ​ទៅ Saudi Pro League នោះ​ទេ​។

Al-Ittihad ត្រូវបានគេរាយការណ៍ថាចាប់អារម្មណ៍លើខ្សែប្រយុទ្ធអេហ្ស៊ីបដែលបានចូលរួមជាមួយក្រុមហង្សក្រហមពី Roma ក្នុងឆ្នាំ២០១៧។

ទោះជាយ៉ាងណាក៏ដោយ Liverpool មិនចង់លក់កីឡាករដែលទើបតែចុះកិច្ចសន្យាថ្មីរយៈពេល៣ឆ្នាំកាលពីរដូវក្តៅមុន ខណៈទីផ្សារដោះដូរកីឡាករបិទនៅថ្ងៃទី០១ ខែកញ្ញា។

ភ្នាក់ងាររបស់ Salah ធ្លាប់បានច្រានចោលការពិភាក្សាអំពីការផ្លាស់ប្តូរទៅកាន់ប្រទេសអារ៉ាប៊ីសាអូឌីត។

ភ្នាក់ងាររបស់ Salah លោក Ramy Abbas Issa បាននិយាយកាលពីថ្ងៃទី០៧ ខែសីហាថា “៖Mohamed នៅតែប្តេជ្ញាចិត្តជាមួយ Liverpool។ ប្រសិន​បើ​យើង​ពិចារណា​ចាក​ចេញ​ពី Liverpool នៅ​ឆ្នាំ​នេះ យើង​នឹង​មិន​បន្ត​កុងត្រា​នៅ​រដូវ​ក្ដៅ​មុន​ឡើយ៕