Wout Weghorst និង Marcel Sabitzer មិនស្ថិតក្នុងគម្រោងរបស់អ្នកចាត់ការ Manchester United លោក Erik Ten Hag សម្រាប់រដូវកាលក្រោយទេ។

សារព័ត៌មាន Daily Mail រាយការណ៍ថា អ្នកទាំង២បានវិលទៅក្លិបដើមរៀងៗខ្លួនឯងវិញហើយ ដោយខ្សែប្រយុទ្ធហូឡង់ Weghorst ទៅ Burnley និង Marcel Sabitzer ត្រលប់ទៅ Bayern Munich វិញ។

Goal ពន្យល់ Weghorst និង Sabitzer មិនបានធ្វើតាមការរំពឹងទុកក្នុងរយៈពេល៦ខែកន្លងមកនេះ។ ខ្សែ​ប្រយុទ្ធ​ហូឡង់​រូប​នេះ​បាន​បរាជ័យ​ក្នុង​ការ​ស៊ុត​បាល់​បញ្ចូល​ទី​ក្នុង​ការ​បង្ហាញ​ខ្លួន​ក្នុង​លីគ​ចំនួន១៧ដង​ ហើយ​រកបាន​តែ២គ្រាប់​ប៉ុណ្ណោះ​ក្នុង​គ្រប់​ការ​ប្រកួត​ទាំង​អស់។ ទន្ទឹមនឹងនេះដែរ ខ្សែបម្រើសញ្ជាតិអូទ្រីសចាប់ផ្តើមបានល្អ ប៉ុន្តែគុណផលបានធ្លាក់ចុះនៅក្នុងពាក់កណ្តាលនៃជើងទីពីរ៕