Man UTD មិនឲ្យ Garnacho ទៅជួយក្រុម U20 អាហ្សង់ទីនទេ
Manchester United មិនបានអនុញ្ញាតឲ្យ Alejandro Garnacho ទៅជួយក្រុមបាល់ទាត់ជួយក្រុមបាល់ទាត់ជម្រើសជាតិអាហ្សង់ទីនក្នុងព្រឹត្តិការណ៍ FIFA World Cup អាយុក្រោម២០ឆ្នាំពីថ្ងៃទី២០ ខែឧសភា ដល់ថ្ងៃទី១១ ខែមិថុនា។
រដូវកាលនេះ កីឡាករវ័យ១៨ឆ្នាំកំពុងធ្វើបានល្អ ដោយរកបាន៤គ្រាប់ពីការប្រកួត២៩លើកសម្រាប់បិសាចក្រហម។ កាលខែមីនា គេមានបញ្ហារបួសពេលប៉ះ Southampton នៅ Premier League។ យ៉ាងណា ស្ថានភាពរបស់គេបានប្រសើរវិញហើយនាពេលថ្មីៗនេះ។
គួរដឹងដែរថា អាហ្សង់ទីនត្រូវបានជ្រើសរើសជាម្ចាស់ផ្ទះ World Cup U20 ជំនួសឥណ្ឌូនេស៊ី ហើយការចាប់ពូលនឹងធ្វើឡើងនៅថ្ងៃសុក្រ ទី២១ ខែមេសា៕
