លោក Gennaro Gattuso បានចាកចេញពីតំណែងគ្រូបង្គោល Valencia ហើយក្រោយកាន់ការងារបានត្រឹម៧ខែ។

អតីតគ្រូបង្គោល AC Milan និង Napoli លោក Gattuso អាយុ៤៥ឆ្នាំបានចុះហត្ថលេខាលើកិច្ចសន្យារយៈពេល២ឆ្នាំមុនបើករដូវកាលថ្មីនេះ។

ប៉ុន្តែ Valencia បានចាញ់ ៨ប្រកួតក្នុងចំណោម១៨ប្រកួតក្នុងលីគ ហើយឈរនៅលេខ១៤ នាំមុខត្រឹមតែមួយពិន្ទុពីលើក្រុមបាតតារាងទាំង៣ បន្ទាប់ពីចាញ់កាលពីថ្ងៃអាទិត្យនៅលើទឹកដី Real Valladolid ។

Valencia បាននិយាយថាការចាកចេញរបស់អតីតខ្សែបម្រើជម្រើសជាតិអ៊ីតាលី Gattuso ត្រូវបានសម្រេចដោយកិច្ចព្រមព្រៀងទៅវិញទៅមក។

ការចាកចេញរបស់ Legend AC Milan រូបនេះ ធ្វើឲ្យក្រុមប្រចៀវខ្មៅត្រូវស្វែងរកអ្នកចាត់ការទី៥ ក្នុងរយៈពេលតិចជាង៣ឆ្នាំ។

លោក Voro Gonzalez  នឹងទទួលបន្ទុកដឹកនាំក្រុមជាបណ្ដោះអាសន្ន៕