នាយកប្រតិបត្តិរបស់ក្លឹប​លោក Oliver Mintzlaff និយាយថាមិនមានទំនាក់ទំនងណាមួយ​រវាង RB Leipzig ​ជាមួយ Chelsea ជុំវិញការ​លក់​ Timo Werner នោះ​ទេបើទោះបីជាមានព័ត៌មាន​ចេញ​ក្លឹបនៅ Premier League ថា​បានយល់ស្របលើកិច្ចព្រមព្រៀងសម្រាប់ខ្សែប្រយុទ្ធរូបនេះក៏ដោយ។

ថ្មីៗ​នេះ​មាន​ព័តមានដែល​​បានអះអាងថាក្រុមតោខៀវបានបង្កើត​ឱ្យមានជា​ឱកាសឈ្នះៗ​​នូវ​ការទិញ​ Timo​ Werner លើ​ចំនួន​ទឹកប្រាក់ចំនួន ៥៤ លានផោនដើម្បី។ ទោះជា​យ៉ាងណាក្តី​ក៏​លោក Mintzlaff មិន​បានទុក​រឿង​ដែល​កំពុង​ផ្ទុះ​តាម​សារព័ត៌​មាន​នេះ​ជា​រឿង​ធំ​ដុំ​នោះ​ទេ​ពេល​ដែល​លោក​បាន​ផ្តល់​កិច្ច​សម្ភាសន៍​អោយ​ទូរទស្សន៍ Sky Sport ។

លោក Mintzlaff បាននិយាយថា “យើងកំពុងផ្តោតលើការប្រកួតក្នុង​លីក។ យើងចង់មាន​កៅអី​លេង​ Champions League នៅ​រដូវ​កាល​ក្រោយ​។ នោះគឺជារឿងតែមួយគត់ដែលយើងកំពុងពិភាក្សាជាមួយ Timo ។ វាជារឿងដ៏​សំខាន់សម្រាប់យើងដែលយើងបន្តកុងត្រាជាមួយរូប​គេ​។ យើងបានធ្វើវាកាលពីរដូវក្តៅមុន ពីព្រោះវាពិតជាសំខាន់ណាស់សម្រាប់ក្លិបដែល​មាន​វ័យ​ក្មេងជាង​គេ​របស់យើង។ គ្មានកីឡាករណាម្នាក់ផ្លាស់ប្តូរដោយមិន​មាន​តម្លៃសមរម្យ​នោះ​ទេ​” ។

ឆ្លើយ​តប​ទៅ​និង​សំណួរ​ជីក​ឫស​ជីក​គល់​ដដែលៗ​ CEO របស់ RB Leipzig ម្នាក់​នេះ​បាន​សង្កត់​ធ្ងន់​ថា​ “ឥឡូវនេះ Timo Werner កំពុងអង្គុយកៅអីអ្នកបញ្ជារ​ចង្កូត​របស់​ក្រុម​។ រហូតមកដល់ពេលនេះ Werner មិនមានក្លឹបណាបានផ្ញើកិច្ចសន្យាផ្ទេរមកយើងទេ​។  Timo Werner នៅ​តែ​ជា​កីឡាកររបស់ RB Leipzig” ។