ក្រុមបាល់បោះជិះរទេះនារីកម្ពុជា​នឹងជួបប្រកួតជាមួយក្រុមថៃនៅម៉ោង១១ព្រឹកថ្ងៃសុក្រ ទី០៥ ខែសីហា ឆ្នាំ២០២២ នេះក្នុងព្រឹត្តិការណ៍កីឡាអាស៊ានប៉ារ៉ាហ្គេម នៅប្រទេសឥណ្ឌូនេស៊ី។

មុនឈានមកដល់វគ្គផ្ដាច់ព្រ័ត្រដណ្ដើមមេដាយមាសនេះ ក្រុមកម្ពុជាទទួលបានចំណាត់ថ្នាក់លេខ២ពេលប្រកួតវិលជុំក្នុងចំណោម៤ក្រុម ដោយឈ្នះឡាវ និងហ្វីលីពីន តែចាញ់ថៃ។

ដូច្នេះក្រុមលេខ១ថៃ និងលេខ២កម្ពុជាត្រូវប៉ះគ្នាដណ្ដើមមេដាយមាស ខណៈក្រុមលេខ៣ឡាវ និងក្រុមលេខ៤ហ្វីលីពីន ប្រកួតយកមេដាយមាស​។

គួរដឹងដែរថា គិតត្រឹមម៉ោង ៦:០០ល្ងាចថ្ងៃទី០៤ ខែសីហានេះ កម្ពុជាដណ្ដើមបានមេដាយសរុបចំនួន២៤គ្រឿងហើយពីព្រឹត្តិការណ៍ប្រកួតអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូណេស៊ី។ ក្នុងនោះ មេដាយមាស៦, ប្រាក់៩ និងសំរឹទ្ធ៩៕