ប្រធាន​ក្លឹប​ Barcelona លោក​ Joan Laporta បានអោយដឹង​ថា​ ក្លឹប​របស់​លោកបាន​លក់​សិទ្ធិ​ Barca Studio ចំនួន​២៥ ភាគរយ ស្មើ​នឹង​ប្រមាណ​ ១០០លាន​ដុល្លារ​ ទៅអោយវេបសាយឌីជីថល Socios.comដើម្បី​ចុះ​ឈ្មោះ​កីឡាករ​ទើប​នាំ​ថ្មីៗ​ចូល​រួមក្លិប ។​

កន្លង​មក​នេះ​ Barcelona ត្រូវ​បាន​គេ​ងឿង​ឆ្ងល់​និង​រិះគន់​រឿងមានលទ្ធភាពនាំ​ចូល​កីឡាករ​ថ្មីៗ​ជា​ច្រើន​សម្រាប់​រដូវកាល​ក្ដៅ​ ដ្បិត ​ចំណូល​ ចំណាយ​ និង​បំណុល​ក្លឹប​នេះ​គឺ​ស្ថិត​ក្នុង​បញ្ហា​ហិរញ្ញវត្ថុ​នៅ​ឡើយ។​ យ៉ាង​ណា​មក​ទល់នឹង​ក្លឹប​នេះ​បាន​ធ្វើ​ការបង្ហាញ​ទិន្នន័យ​ដែល​ពួក​គេ​បាន​លក់​ផ្នែក​មួយ​ចំនួន​របស់​ក្លឹប​ដើម្បី​នាំ​ចូល​ និង​ចុះ​ឈ្មោះ​កីឡាករ​ដូច​ជា​ លក់​សិទ្ធិ​ ២៥ ភាគរយ នៃ​ Barca Studio ទាក់ទាញ​វិនិយោគ​ទន់​ ក៏​ដូច​ជា​លក់​សិទ្ធិ​ផ្សាយ​ជា​ច្រើន។​

កាលពីខែមិថុនាកន្លងទៅ Barcelona​ បានលក់ភាគហ៊ុនសិទ្ធិទូរទស្សន៍ La Liga TV ២៥ភាគរយ ទៅក្រុមហ៊ុនវិនិយោគអាមេរិក Sixth Street Partners តម្លៃប្រមាណ ២១៦ លានដុល្លារ ដែលធ្វើអោយក្លិបអាចនាំយកកីឡាករដូចជា Raphinha និង Robert Lewandowski។ ហើយកាលខែមីនាឆ្នាំ ២០២២ ពួកគេ បានចុះកិច្ចសន្យាជាមួយក្រុមហ៊ុន កម្មវិធីមាតិការតន្ត្រី Spotify តម្លៃជាង ៣០០លានដុល្លារ ដែលជាម្ចាស់ឧបត្ថម្ភថ្មីនៅលើអាវរបស់កីឡាករក្នុងក្រុម និងកិច្ចសន្យាប្តូរឈ្មោះកីឡដ្ឋានទៅជា Spotify Camp Nou៕

អត្ថបទ៖ F11