អនាគតខ្សែប្រយុទ្ធ Cristiano Ronaldo នៅ Man UTD កាន់តែមិនច្បាស់លាស់ក្រោយមានរឿងនេះនៅ Old Trafford
សារពត៌មាននៅអង់គ្លេសបានរាយការណ៍ថា ខ្សែប្រយុទ្ធ Cristiano Ronaldo បានចាកចេញពីកីឡដ្ឋាន Old Trafford ខណៈដែលការប្រកួតមិត្តភាពរបស់ក្រុម Man United នឹង Rayo Vallecano ទាំងមិនទាន់បញ្ចប់៩០នាទី ដែលវាបានបង្កើនការងើយឆ្ងល់បន្ថែមទៀតសម្រាប់អ្នកគាំទ្រ ចំពោះអនាគតរបស់គេ។
ការចាកចេញនេះ បង្កើនភាពមិនច្បាស់លាស់អំពីអនាគតរបស់គេជាមួយក្លិប Man Utd ដែលរបូតឱកាសលេងពានរង្វាន់ UEFA Champions League រដូវកាលក្រោយ។
កាសែត The Time បានចុះផ្សាយថា Cristiano Ronaldo ទទួលបានការស្វាគមន៍យ៉ាងកក់ក្តៅពី អ្នកគាំទ្រ Man Utd នៅឯកីឡដ្ឋាន Old Trafford ចំពោះការវិលត្រឡប់មករួមក្រុមវិញ។ ប៉ុន្តែគ្រប់គ្នាហាក់ស្រឡាំងកាំងយ៉ាងខ្លាំង នៅពេលដែល Ronaldo បានចាកចេញពីកីឡដ្ឋានទាំងការប្រកួតមិនទាន់បញ្ចប់៕
អត្ថបទ៖ F11
