Doncaster Rovers បានពន្យារការប្រកួតក្របខណ្ឌ League One របស់ពួកគេនៅថ្ងៃអង្គារ ទី៣០ ខែធ្នូ តទល់ Fleetwood Town ដោយសារការរាលដាលជំងឺកូវីដ១៩។

ការប្រកួត២លើកទៀតតទល់ Peterborough United និង Oxford United ដើមខែមករា ឆ្នាំ២០២១ ក៏ត្រូវលើកពេលដូចគ្នា។

Rovers បង្ហើបថា មានកីឡាករ៣នាក់ទៀតធ្វើតេស្ដឃើញវិជ្ជមាន ក្រោយឆ្លងពីរនាក់កាលថ្ងៃសៅរ៍សប្ដាហ៍មុន។

ក្លិបប្រកាសថា សុខសុវត្ថិភាពរបស់អ្នកពាក់ព័ន្ធទាំងអស់ពិតជាមានសារៈសំខាន់ខ្លាំង។

ក្រៅពី Docaster Rovers ប៉ះ Fleetwood Town ក៏នៅមានជំនួប Rochdale  vs Crewe, Peterborough vs Charlton, Accrington vs Sunderland, Bristol Rovers vs Portsmouth, Hull vs Lincoln និង AFC Wimbledon vs Ipswich ដែលត្រូវបានលើកពេល។

ចំណែកការប្រកួតក្នុងក្របខណ្ឌ League Two របស់ក្លិប Morecambe ក៏ត្រូវបានពន្យារដូចគ្នា៕