អ្នកចាត់ការ Man City លោក​ Pep Guardiola បាន​ធ្វើ​ការ​បដិសេធ​​ការផ្សព្វផ្សាយ​របស់​សារព័ត៌មាន​ Le Parisien ដែល​ថា​ ក្លិបមេឃខៀវរបស់​លោក​ទាក់ទង​ចង់​បាន​ខ្សែ​ប្រយុទ្ធ​ Neymar របស់ PSG។

ជាការពិត Man City បាននាំយកកីឡាករឆ្នើមៗជាច្រើនរូបរួចមកហើយ ដែលមាន Erling Haaland និង Kalvin Phillips ជាដើម ហើយថ្លៃចំណាយគឺជាង៩៣លានផោន។ Neymar ដែលជាខ្សែប្រយុទ្ធឆ្នើមមួយរូបនោះក៏ត្រូវបានផ្សារភ្ជាប់ថា Man City មានបំណងនាំយកមកដែរ ប៉ុន្តែពេលនេះលោក Pep Guardiola បានបញ្ជាក់ថា រូបគេមិនមែនជាគោលដៅរបស់ក្លិបទេ។

ជុំវិញរឿងនេះ អ្នកចាត់ការជនជាតិអេស្ប៉ាញបានអោយដឹងថា “ខ្ញុំ​ពិត​ជា​សូមទោស​ចំពោះ​សារព័ត៌មាន​ Le Parisien ក៏​ប៉ុន្តែ​រឿង​ដែល​សារព័ត៌មាន​នេះ​បាន​ចុះផ្សាយ​គឺ​មិន​ពិត​នោះ​ទេ​។”

– F11