ខ្សែការពារ​ Giorgio Chiellini ​ថា រូបគេនឹងទៅលេង​លីគកំពូលអាមេរិក Major League Soccer ជមួយ​ក្លឹប​ Los Angeles មុនពេលរូបគេចូលនិវត្តន៍។

កីឡាករ​វ័យ​៣៧ឆ្នាំ​ហើយ​ នឹង​ចែក​ផ្លូវ​ជា​មួយ​ Juventus នៅ​រដូវកាល​ខាង​មុខ​ ក្រោយ​រួម​រស់​ជា​មួយ​ក្លឹប​នេះ​រយៈពេល​ ១៧ឆ្នាំ​ ដោយ​ចូល​រួម​លេង​បាន​ ៥៦០​ប្រកួត​ និង​ស៊ុត​ចូល​ ៣៦គ្រាប់​។

សម្រាប់ការទៅចូលរួមក្លិប Los Angeles នោះ មានការរាយការណ៍ថា Giorgio Chiellini នឹងទទួលកុងត្រាដល់ឆ្នាំ ២០២៣ ជាមួយប្រាក់ឈ្នួលដល់ទៅ ១,៦៥ លានដុល្លារឯណោះក្នុងមួយរដូវកាល។

ដោយឡែក Giorgio Chiellini ​ក៏​ធ្លាប់​បាន​ប្រកាស​ផង​ដែរ​ថា​ នឹង​ចូល​និវត្តន៍​ពី​ក្រុមជម្រើសជាតិ​អ៊ីតាលី​ក្នុង​រដូវកាល​ខាង​មុខ​ផង​ដែរ​ បន្ទាប់ពីអ៊ីតាលីប្រកួតជាមួយអាហ្សង់ទីនក្នុងខែមិថុនានៅកីឡដ្ឋាន Wembley។

The Nightmare