លោក Carlo Ancelotti បាននិយាយកាលពីពេលថ្មីៗនេះថា លោកនឹងចូលនិវត្តន៍ពីអាជីពជាអ្នកចាត់ការក្លឹបបាល់ទាត់ នៅពេលលោកចប់ការងារជាមួយក្លឹប Real Madrid ដោយចង់ទៅដឹកនាំក្រុមជម្រើសជាតិវិញម្តង។

បុរសវ័យ៦២ឆ្នាំ ទើបបានក្លាយជាអ្នកចាត់ការដំបូងបំផុតដែលដឹកនាំក្រុមលើកពានលីគកំពូលទាំង៥នៅអឺរ៉ុប បន្ទាប់ពីជួយ Real Madrid ឈ្នះជើងឯកក្របខណ្ឌ La Liga រដូវកាល 2021-22។ ក្នុងអាជីពជាង២៦ឆ្នាំមកនេះ លោក Ancelotti ធ្លាប់បានដឹកនាំក្លិបធំៗចំនួន១១ រួចមកហើយ ប៉ុន្តែឥឡូវ លោកបានពិចារណាអំពីការចូលនិវត្តន៍ដើម្បីចំណាយពេលវេលាដើរកំសាន្តជាមួយក្រុមគ្រួសារ។

ក្រៅពីនេះ ក្រោយឈប់ពីអ្នកដឹកនាំក្លឹប លោក Ancelotti ចង់ទៅដឹកនាំក្រុមជម្រើសជាតិម្ដង ជាពិសេសគឺដឹកនាំសម្រាប់ប្រកួត World Cup 2026 ដោយលោកក៏ចាប់អារម្មណ៍ទៅដឹកនាំក្រុមជម្រើសជាតិកាណាដា ប្រសិនជាពួកគេត្រូវការ។

អត្ថបទ៖ Nightmare