អង់គ្លេសត្រូវការត្រឹមតែមួយពិន្ទុប៉ុណ្ណោះពីការប្រកួតជម្រុះចុងក្រោយរបស់ពួកគេតទល់សាំងម៉ារុំាង ដើម្បីធានាកៅអីទៅជុំចុងក្រោយ FIFA World Cup 2022 ក្នុងប្រទេសកាតារ បន្ទាប់ពីយកឈ្នះអាល់បានីនៅ Wembley ដោយលទ្ធផល៥ទល់នឹង០។

Harry Kane រកបាន៣គ្រាប់ម្នាក់ និង២គ្រាប់ទៀតធ្វើបានដោយ Harry Maguire ដែលជាគ្រាប់ទី១ និង Jordan Henderson រកបានគ្រាប់ទី៣។

ដូច្នេះ Kane រកបាន១២គ្រាប់ហើយសម្រាប់អង់គ្លេសក្នុងឆ្នាំ២០២១ និងតាមស្មើវីរបុរស Jimmy Greaves ដែលមាន៤៤គ្រាប់ដូចគ្នា។ គេមានគ្រាប់បាល់ក្នុងការប្រកួតសំខាន់ៗ (ការប្រកួតសន្សំឬកម្មវិធីធំៗ ដែលមិនមែនមិត្តភាព) ចំនួន៣៩គ្រាប់ដែលបំបែកកំណត់ត្រារបស់ Wayne Rooney មាន៣៧ គ្រាប់។

៩ប្រកួតកន្លងមក អង់គ្លេស មាន២៣ពិន្ទុពីលើប៉ូឡូញ៣ពិន្ទុ។ ចំណែកអាល់បានីនៅលេខ៣ មាន១៥ពិន្ទុ៕