ដោយ​សារ​មាន​ការ​ព្រួយ​បារម្ភ​ជុំវិញសមភាព​ផ្នែក​ហិរញ្ញវត្ថុ Juventus នឹង​មិន​ចូល​រួម​ក្នុង​ការ​ប្រកួត​ប្រជែង​នៅ​អឺរ៉ុប​ក្នុង​រដូវ​កាល២០២៣/២០២៤។

Juventus បានយល់ព្រមជាមួយ UEFA ក្នុងការទទួលយកការដាក់ពិន័យមួយរដូវកាលដោយគ្មានការប្រកួតនៅអឺរ៉ុប។ ពួកគេនឹងមិនលេង Conference League 2023-24 ទេ។

ក្រុមយក្សអ៊ីតាលី ដែលធ្លាប់មានរឿងអាស្រូវនៅក្រៅទីលាន បន្ទាប់ពីភាពចម្រូងចម្រាសនៃការប្រកួតបានបណ្តាលឱ្យមានការកាត់ចេញពីក្របខណ្ឌ Serie A ក្នុងឆ្នាំ 2006 ត្រូវបានកាត់១០ពិន្ទុក្នុងខែឧសភា បន្ទាប់ពីបង្ហាញភស្តុតាងនៃគណនេយ្យមិនត្រឹមត្រូវ។

ទន្ទឹមនឹងការបាត់បង់ពិន្ទុ អតីតសមាជិកក្រុមប្រឹក្សាក្រុមសេះបង្កង់ ៥នាក់ រួមទាំងអតីតប្រធាន Andrea Agnelli ដែលបានលាលែងពីតំណែងជាសមូហភាពក្នុងខែវិច្ឆិកា ដោយសារការស៊ើបអង្កេតរបស់រដ្ឋអាជ្ញាសាធារណៈនៅក្រុង Turin លើការចោទប្រកាន់ថាមានគណនេយ្យភាពមិនស្មោះត្រង់ក៏ត្រូវបានហាមឃាត់មិនឱ្យចូលរួមក្នុងសកម្មភាពដែលទាក់ទងនឹងបាល់ទាត់ផងដែរ។

Juventus បញ្ចប់លីគកំពូលអ៊ីតាលីរដូវកាលក្នុងលេខ៧ ហើយត្រូវប្រកួត Europa Conference League នៅឆ្នាំនេះ៕