Carlo ជាគ្រូទី១លើកពានលីគកំពូលទាំង៥នៅអឺរ៉ុប
លោក Carlo Ancelotti ក្លាយជាគ្រូបង្វឹកទី១ដែលឈ្នះជើងឯកនៅលីគធំៗទាំង៥នៅអឺរ៉ុប។
រដូវកាលនេះ គ្រូបង្វឹកជនជាតិអ៊ីតាលីខាងលើបានដឹកនាំ Real Madrid លើកពាន La Liga ទាំងនៅសល់ការប្រកួត៤លើកទៀត។ មានន័យថា មុនលោកឈ្នះជើងឯកនៅអេស្ប៉ាញ លោកធ្លាប់លើកពានលីគកំពូលនៅប្រទេសកំណើតអ៊ីតាលី, នៅអង់គ្លេស, នៅបារាំង និងនៅអាល្លឺម៉ង។
ក្នុងការប្រកួតនៅថ្ងៃសៅរ៍ ទី៣០ ខែមេសា Real Madrid បានឈ្នះ Espanyol ៤ទល់នឹង០ ហើយមាន៨១ពិន្ទុនាំមុខក្រុមលេខ២ Sevilla ១៧ពិន្ទុ៕
