ចេញហើយបញ្ជី២៨នាក់ចុងក្រោយសម្រាប់ U23 កម្ពុជា
ក្រុមបាល់ទាត់ជម្រើសជាតិកម្ពុជាបានបញ្ចេញបញ្ជីកីឡាករ២៨នាក់ចុងក្រោយហើយសម្រាប់ព្រឹត្តិការណ៍ AFF U23 Championship 2022។
ការប្រកួតបាល់ទាត់ជើងឯកយុវជនអាយុក្រោម២៣ឆ្នាំ ឆ្នាំ២០២២ នឹងចាប់ផ្ដើមពីថ្ងៃទី១៤ ដល់ថ្ងៃទី២៦ ខែកុម្ភៈ តទៅ ដែលប្រព្រឹត្តទៅនៅកីឡដ្ឋានព្រីនស៍ និងមរតកតេជោ។
សម្រាប់ក្រុមបាល់ទាត់ជម្រើសជាតិកម្ពុជានឹងប្រកួតក្នុងពូល A ដែលមានប្រ៊ុយណេ, ទីម័រខាងកើត និងហ្វីលីពីន។ កម្ពុជាត្រូវបើកឆាកតទល់ ប្រ៊ុយណេ នៅថ្ងៃទី១៤ ខែកុម្ភៈ មុនប៉ះហ្វីលីពីន ថ្ងៃទី១៧ និងបិទវគ្គចែកពូលថ្ងៃទី២០ ជាមួយ ទីម័រខាងកើត ខែកុម្ភៈ ដោយការប្រកួតរបស់កម្ពុជានឹងធ្វើឡើងនៅទីលាននៃពហុកីឡដ្ឋានមរតកតេជោ ទាំងអស់តែម្ដង៕
