Sadio Mane បានទាត់បញ្ចូលទីគ្រាប់កាត់សេចក្ដីមួយគ្រាប់ រួមចំណែកឲ្យសេណាហ្គាល់ឈ្នះតំណែងជើងឯក Africa Cup of Nations តាមរយៈបាល់កាត់សេចក្ដី ១១ម៉ែត្រ ៤ទល់នឹង២លើអេហ្ស៊ីប ក្នុងវគ្គផ្ដាច់ព្រ័ត្រ នៅថ្ងៃអាទិត្យ ទី០៦ ខែកុម្ភៈ។

Sadio Mane មានឱកាសទាត់ពិន័យ១១ម៉ែត្រក្នុងម៉ោងធម្មតាដែរ តែត្រូវបានសង្គ្រោះដោយអ្នកចាំទីអេហ្ស៊ីប Gabaski។

ក្នុងការទាត់សេចក្ដី អ្នកចាំទី Edouard Mendy បានសង្គ្រោះការទាត់ពី Mohanad Lasheen របស់​អេហ្ស៊ីប មុន Mane ទាត់ផ្ដាច់យកជើងឯក។

នេះជាលើកដំបូងហើយដែលសេណាហ្គាល់ក្លាយជាអធិរាជបាល់ទាត់អាហ្វ្រិក។

ចំណែកចំណាត់ថ្នាក់លេខ៣បានទៅលើកាមេរូន ដែលបានឈ្នះប៊ូគីណាហ្វាសូ ដោយបាល់១១ម៉ែត្រ ៣ទល់នឹង៥។ ក្រុមទាំង២ស្មើគ្នា២ទល់នឹង២នៅម៉ោងធម្មតា៕