Cristiano Ronaldo ទទួល​បានពានកីឡាកររកគ្រាប់បាល់បញ្ចូលទីច្រើនជាងគេ​នៅក្រុងឌូបៃ ប្រទេសអារ៉ាប់រួមអ៊ីមីរ៉ាត់ កាលថ្ងៃសុក្រ ទី២៨ ខែមករា សម្រាប់ការរកបាន៨០៣គ្រាប់។ ពានរង្វាន់នេះត្រូវបានផ្ដល់ដោយស្ថាប័ន Globe Soccer នៅមជ្ឈមណ្ឌលពិព័រណ៍ Al Wasl Dome ក្រោមក្រសែភ្នែកទស្សនិកជនភ្លូកទឹកភ្លូកដី។

តារាឆ្នើមព័រទុយហ្គាល់បានឆ្លៀតពេលពីវិស្សមកាលនៅ Premier League នាំគ្រួសារទៅលេងឌូបៃ និងទទួល​ពាននេះតែម្ដង។

អ្នកគាំទ្រដ៏សំណាងម្នាក់ទទួលបានអាវ Manchester United ពី Ronaldo ថែមទៀត។

អតីតសមាជិក Sporting Lisbon, Real Madrid និង Juventus សប្បាយចិត្តដែលបានឃើញវត្តមាន​អ្នកគាំទ្រដ៏ច្រើន។ មួយថ្ងៃមុននោះ គេក៏បានធ្វើខួបកំណើតភរិយារបស់គេនៅទីនោះទៀតផង៕