ពានរង្វាន់លោកគ្រូ ម៉ា សេរី គ្រោងដាក់ ហ៊ីម សេរី ប៉ះ ខាំ ខ្លានាង
ពានរង្វាន់លោកគ្រូ ម៉ា សេរី លើកទី៤ គ្រោងនឹងធ្វើឡើងនៅសប្តាហ៍នេះ ដោយជើងខ្លាំងទម្ងន់ស្រាល ហ៊ីម សេរី និង ខាំ ខ្លានាង អាចជាបេក្ខភាពត្រូវប្រកួតក្នុងពាននេះ ។
កីឡាករទាំងពីរមានអ្នកគាំទ្រជាច្រើន ចង់អោយប៉ះគ្នា បន្ទាប់ពីកូនសិស្សលោក មាស សុខគ្រី ធ្លាប់ឈ្នះម្តងទាំង ខ្លានាង មិនអស់ចិត្ត ។
ពានរង្វាន់ ម៉ា សេរី ធ្វើឡើងដើម្បីរំលឹកដល់លោកគ្រូ ម៉ា សេរី ដែលជាស្ថាបនិកគុនខ្មែរដ៏ឆ្នើម ពានរង្វាន់នេះលើកទី១បានទៅលើកីឡាករថៃ នឹងត្រាក់កាន ដោយឈ្នះ អ៊ុំ ចំរើន លើកទី២ បានទៅលើ រឿង សោភ័ណ្ឌ ដោយឈ្នះកីឡាករថៃ សុ៊បពើឆ័យ និង លើកទី៣ ក្នុងឆ្នាំ ២០១៩ ឈុត សេរីវាន់ថង ឈ្នះ អេលីត សាន់ ៕
