ការពីថ្ងៃម្សិលមិញ ក្នុងជំនួបរវាងអ្នកប្រដាល់គុនខ្មែរ លីភា និង គុនខ្មែរ ម៉ឺន មេឃា ដែលជាការប្រកួតដណ្តើមប្រាក់លាននៅសង្វៀនកម្ពុជាសង្វៀនគុនខ្មែរ ជាលទ្ធផល កូនប្រុសរបស់លោកគ្រូ អេ ភូថង បានដណ្តើមប្រាក់លានយ៉ាងងាយស្រួលពី លីភា ខណៈដែល កូនសិស្សរបស់ក្លឹប ប៉ែន កាក់ គុនខ្មែរ ទទួលយកលទ្ធផលមួយនេះ តែអន់ចិត្តជាមួយនិងអាជ្ញាកណ្តាល ព្រោះឆាប់ចាប់បំបែករូបគេពេក។

ម្ចាស់ក្លឹបប៉ែនកាក់ គឺលោក ស៊ន អេលីត បានឲ្យដឹងថា ទស្សនិកជនដឹងច្បាស់អំពីក្បាច់ប្រយុទ្ធរបស់អ្នកទាំង២ ម៉ឺន មេឃា គឺជាអ្នកប្រយុទ្ធដែលមានក្បាច់ទាត់ និង ម៉ាត់ ចេញចូលរហ័ស តែ លីភា វិញមាឌក៏តូច និង កំពស់ក៍ទាបជាង ហើយអ្វីដែលកូនសិស្សរបស់លោក អាចសង្ឃឹមយកឈ្នះ មេឃា បានគឺការចូលវ៉ៃកៀក និងប្រើកែងគាស់ ផ្ទុយមកវិញ អ្នកទាំង២មិនបានវ៉ៃកៀកគ្នាបានយូរនោះទេ ដោយលោកអាជ្ញាកណ្តាលញែកចេញពីគ្នាគ្រប់ពេល។

ក្រោយចប់ការប្រកួតក្នុងនាមជាអ្នកប្រដាល់ចិត្តធ្ងន់ លីភា មិនតវ៉ាចំពោះអាជ្ញាកណ្តាលនោះទេ ដោយទ្រាំដើរចុះពីសង្វៀននិងអន់ចិត្តចំពោះការប្រកួតមួយនេះ ហើយក៏មានអារម្មណ៍មិនចង់ប្រកួតជាមួយកីឡាករគុនខ្មែរគ្នាឯងទៀតនោះដែរ៕