គុនខ្មែរ ធន់ ចាន់តាក់ បានឡើងវគ្គផ្តាច់ព្រ័ត្រកម្មវិធីកម្ពុជាសង្វៀនគុនខ្មែរដោយសារស្វ័យប្រវត្តិបន្ទាប់ដៃគូរបស់គេកីឡាករថៃ នុមស្ទឹក មានបញ្ហាសុខភាព ដូចនេះកូនសិស្សរបស់លោក ធន់ សុភា នឹងត្រូវប៉ះកីឡាករថៃ ភិតណងប៊ី ដែលបានឈ្នះមិត្តរួមជាតិ ស៊ិងថង ក្នុងវគ្គពាក់កណ្តាលផ្តាច់ព្រ័ត្រនៅព្រឹកថ្ងៃសៅរ៍ ទី ០២ ខែ វិច្ឆិកា ឆ្នាំ ២០១៩ នេះនាសង្វៀន CBS ។ ទោះបីមិនបានប្រកួតជាមួយកីឡាករថៃ នុមស្ទឹក ប៉ុន្តែ ចាន់តាក់ បានផ្តួលកីឡាករថៃ ភុតផាតណយ អោយសន្លប់ក្នុងទឹកទី២សម្រាប់ការប្រកួតមិត្តភាព ។

ធន់ ចាន់តាក់ និង ភិតណងប៊ី គ្រោងនឹងប៉ះគ្នានៅពីរសប្តាហ៍បន្ទាប់ដើម្បីទទួលបានម៉ូតូមួយគ្រឿង លុយ៥០០ដុល្លារ ជាពិសេសកៅអីវគ្គផ្តាច់ព្រ័ត្រដើម្បីដណ្តើមខ្សែក្រវាត់រួមជាមួយលុយចំនួន៦ពាន់ដុល្លារ ដោយត្រូវរង់ចាំការប្រកួតក្រុមទី២ ជាបន្តទៀតដើម្បីស្វែងរកម្ចាស់ជើងឯកម្នាក់ទៀត ៕