![](https://www.msrsport.com/wp-content/uploads/2019/01/01-1.jpg)
សោកស្តាយផង! ថៃ រិទ្ធី ត្រូវបាន One Champions ដកចេញពីការប្រកួត
![](https://www.msrsport.com/wp-content/uploads/2019/01/05.jpg)
ថៃ រិទ្ធី
អ្នកប្រដាល់គុនចម្រុះ ថៃ រិទ្ធី ដែលនឹងត្រូវឡើងសង្វៀនសងសឹកឲ្យមិត្តរួមជាតិ មាស ម៉ើ ដោយធ្លាប់បរាជ័យក្រោមកណ្ដាប់ដៃជើងខ្លាំង Anthony Engelen ក្នុង ONE: ETERNAL GLORY នាថ្ងៃទី១៩ ខែមករា ឆ្នាំ២០១៩ខាងមុននៅប្រទេសឥណ្ឌូណេស៊ីនោះ ឥឡូវត្រូវបានកម្មវិធី One Championships ដកចេញពីបេក្ខភាពប្រកួតហើយ ដោយមូលហេតុ ថៃ រិទ្ធី មិនទាន់ជាពីរបួសបែកចិញ្ចើម គ្រាដែលកីឡាករគុនខ្មែររូបនេះប្រកួតក្នុងកម្មវិធីជើងឯកថ្នាក់កាលពីថ្ងៃទី១៦ខែធ្នូឆ្នាំ២០១៨ ។
![](https://www.msrsport.com/wp-content/uploads/2019/01/55-1024x628.jpg)
កីឡាករ Anthony Engelen
បើយោងតាមសំដីរបស់កីឡាករគុនចម្រុះ ថៃ រិទ្ធី បានឲ្យដឹងថា ដំបូងឡើយរូបគេមិនទាន់ដឹងរឿងនេះនូវឡើយទេ ហើយក៏នូវតែហ្វឹកហាត់ជាធម្មតាដើម្បីត្រៀមប្រកួតនាថ្ងៃខាងមុខ ស្រាប់តែពេលកំពុងហ្វឹកហាត់ដូចសព្វដង លោកគ្រូ ហ៊ុន ចាន់រាជ ដែលជាប្រធានក្លឹប Cambodia Top Team តេប្រាប់ថា រិទ្ធីឯងត្រូវបាន One Championships ដកចេញពីការប្រកួតវិញហើយ ដោយសារតែរបួសនូវមិនទាន់ជា។
ចំណែកឯលោកគ្រូ ហ៊ុន ចាន់រាជ ក៏បាននិយាយប្រាប់អ្នកសារព័ត៌មានឲ្យដឹងដែរថា លោកពិតជាមានអារម្មណ៌សោកស្តាយណាស់ ដែលខាង One Championships ដក ថៃ រិទ្ធី ចេញពីការប្រកួតនៅថ្ងៃខាងមុខនេះ ស្របពេលដែលលោកយល់ថា រិទ្ធី អាចប្រកួតបាននោះ។
![](https://www.msrsport.com/wp-content/uploads/2019/01/56-1024x683.jpg)
លោក ហ៊ុន ចាន់រាជ
សូមបញ្ជាក់ថា ដៃគូរបស់ ថៃ រិទ្ធី គឺ Anthony Engelen ធ្លាប់ឡើងសង្វៀនបាន១២ដងក្នុងនោះឈ្នះ៨ដង និងចាញ់៤ដង ហើយជាជាជើងឯកខ្សែក្រវាត់ IFC Lightweight Champion។ រូបគេបានត្រឡប់ចូលសង្វៀនវិញកាលពីខែវិច្ឆិកាកន្លងទៅនេះ និងបានធ្វើឲ្យកក្រើកព្រឹត្តិការណ៍ ONE: HEART OF THE LION នៅពេលរូបគេផ្តួល មាស ម៉ើ ដើមទឹកទី១៕