បន្ទាប់ពីយកឈ្នះកីឡាករថៃដណ្តើមបានខ្សែក្រវាត់នៅស្ថានីយ៍ទូរទស្សន៍អាស៊ីអាគ្នេយ៍អ្នកប្រដាល់ គុនខ្មែរ មាជ សុខរ៉ា មិនទាន់បានឡើងប្រកួតអន្តរជាតិនោះទេ ខណៈថ្មីៗលឺដំណឹងថាកូនសិស្សរប​ស់ លោក មាស សុខគ្រី រូបនេះត្រូវផ្លាស់ប្តូរក្លិបហ្វឹកហាត់របស់គេ ។

តាមការបញ្ជាក់របស់លោក មាស សុខគ្រី ដែលជាគ្រូបង្វឹករបស់ មាជ សុខរ៉ា ផ្ទាល់និយាយថា លោកបានសម្រេចអោយកូនសិស្សរបស់លោកទៅចូលរួមជាមួយក្លិប ពុទ្ធសេរីវង្ស ដែលមានគ្រូបង្វឹក ណន រិទ្ធ ពីព្រោះមានទីកន្លែងហ្វឹកហាត់ និង ស្នាក់នៅ ល្អជាក្លិបរបស់លោកនាពេល បច្ចុប្បន្នដើម្បីអោយអនាគតរបស់ខ្លាំងជាងនេះ ហើយជាពិសេសនៅពុទ្ធសេរីវង្សមានកីឡាករខ្លាំងៗ ច្រើនដែលអាចអោយគេរៀនសូត្រពង្រឹងសមត្ថភាពបន្ថែមផងដែរ ។ ប្រធានគណៈកម្មាការសហព័ន្ធ បន្ថែមថា ដោយសារលោក និងលោក ណន រិទ្ធ រាប់អាន​គ្នាដូចបងប្អូន ដូចនេះការអោយកូនសិស្សទៅហាត់ នៅទីនោះគឺមិនមានលក់ដូរជាថវិការអ្វីនោះទេ ។

មាជ សុខរ៉ា នៅក្លិបក្រសួងការពារជាតិ

គួររំលឹកថា មុនបានខ្សែក្រវាត់ មាជ សុខរ៉ា ក៏ធ្លាប់ចេញពីក្លិបតាព្រហ្មមានជ័យដែរដោយទៅចូលរួម ជាមួយក្លិបក្រសួងការពារជាតិមួយរយៈ ប៉ុន្តែក្រោយមកក៏វិលទៅហាត់នៅតាព្រហ្មមានជ័យ វិញ។ សូមបញ្ជាក់ថា បើតាមដំណឹងចេញពីម្ចាស់ខ្លួនផ្ទាល់គឺរូបគេចង់ទៅហាត់នៅក្លិបឆ្មាសសែនសុខ ដែលមាន លោក សន អេលីត ជាគ្រូបង្វឹក ៕

ក្លិបតាព្រហ្មមានជ័យ