កាលពីម្សិលមិញ ក្រុមបិសាចក្រហម Manchester United បាន​ប្រកាស​តែងតាំង​អតីត​ខ្សែប្រយុទ្ធ Ole Gunnar Solskjaer ធ្វើ​ជា​អ្នក​ចាត់​ការ​បណ្ដោះអាសន្នជំនួសតំណែងលោក Jose Mourinho ដែលត្រូវបណ្តេញចេញ​រហូត​ដល់​ចប់​រដូវ​កាល។

ក្រោយ​ទទួល​បាន​តំណែង​ថ្មី​បុរស​វ័យ​៤៥​ឆ្នាំ​បាន​និយាយ​​ថា Manchester United គឺ​ស្ថិត​ក្នុង​​បេះដូង​របស់​គេ​ជា​និច្ច និង​អស្ចារ្យ​ដែល​បាន​ត្រលប់​មក​វិញ​ក្នុង​នាម​ជា​គ្រូបង្វឹក។

Solskjaer ធ្លាប់​ចំណាយ​ពេល​១១​រដូវ​កាល​ជាមួយ​ក្រុមរហស្សនាម​បិសាច​ក្រហម ហើយឈ្នះពានរង្វាន់ជាច្រើន ហើយអ្វីដែលចាំមិនភ្លេចនោះគឺរូបគេ​ធ្លាប់​​រក​បាន​គ្រាប់​ជ័យជម្នះ​នៅ​វគ្គ​ផ្ដាច់ព្រ័ត្រ Champions League ឆ្នាំ​១៩៩៩ លើ​ Bayern Munich។

គួររំលឹកថា លោក Jose Mourinho ត្រូវបានបញ្ចប់តំណែងជាគ្រូបង្វឹកកាលពីថ្ងៃច័ន្ទ ក្រោយពីបានមកកាន់តំណែងជាអ្នកចាត់ការនៅទឹកដី Old Trafford រយៈពេល២ឆ្នាំកន្លះ ដោយបុរសជនជាតិព័រទុយហ្គាល់បានចាយលុយចំនួន៣៧៥.៣លានផោនហើយជួយឲ Man UTD ឈ្នះពានរង្វាន់ EFL Cup និង Europa League ផងដែរ។