ក្រុមសេះបង្កង់ Juventus បានធ្វើពិធីបង្ហាញខ្លួនខ្សែប្រយុទ្ធ Cristiano Ronaldo ដែលជាសមាជិកថ្មីរបស់ពួកគេជាផ្លូវការកាលពីថ្ងៃទី១៦ខែកក្កដាឆ្នាំ២០១៨ នាកីឡដ្ឋាន Allianz បានបំពេញការផ្ទេរយកខ្សែប្រយុទ្ធវ័យ៣៣ឆ្នាំពី Real Madrid ក្នុងតម្លៃ១១២លានអឺរ៉ូកាលពីថ្ងៃអង្គារទី១០ខែកក្កដា។

អ្វីដែលគួរឲ្យចាប់អារម្មណ៍នោះគឺ រូប​ដែល​គេ​បញ្ជាក់​ថា​បាន​ផ្ទេរ​ជាផ្លូវការ​បាន​ក្លាយ​ជា​រូប​មាន​អ្នក​ Like ច្រើន​ជាង​គេ​​ទី៤​ក្នុងប្រវត្តិសាស្រ្ត​បណ្ដាញ​សង្គម Instagram ដោយ Ronaldo ពាក់​អាវ Juventus ដោយ​មាន​អ្នក​ Like ចំនួន​១១,​៥លាននាក់។

គួររំលឹកថា អតីតសមាជិក Sporting Lisbon និង Manchester United ខាងលើត្រូវបានគេរាយការណ៍មកថានឹងទទួលបានថ្លៃនឿយហត់៥សែនផោនក្នុងមួយសប្ដាហ៍អំឡុងកិច្ចសន្យា៤ឆ្នាំនៅ Juventus។

ដោយឡែក  ​រូប​របស់​តារា​ចម្រៀង Justin Bieber ប្រកាស​ភ្ជាប់ពាក្យ​ជាមួយ Hailey Baldwin នៅចំណាត់​ថ្នាក់​ទី​៣ដោយមាន​អ្នក​ Like ១២​,៧​លាន។ លេង​២​បាន​ទៅ​រូប​របស់ Kylie Jenner ពរ​កូន​មាន​១៣​លាន​ Like ខណៈ​លេង​១​ក៏​បាន​ទៅ​លើ​តារា​ម៉ូដែលអាមេរិកវ័យក្មេង​រូប​នេះ​ដែរ​គឺ​មានចំនួន Like ​១៧,៩​លាន៕ ​​