ភ្នំពេញក្រោនត្រូវការតែ១ពិន្ទុពី Shan ក៏ឆ្លងផុតពូល AFC Cup ដែរ
ភ្នំពេញក្រោននឹងត្រូវជួបតតាំង Shan United សម្រាប់ជំនួបចុងក្រោយពូល F នៃពានរង្វាន់ AFC Cup 2023/2024 នៅម៉ោង៧យប់ថ្ងៃព្រហស្បតិ៍ ទី១៤ ខែធ្នូ នេះ។
ក្រុមជើងឯកលីគកំពូលកម្ពុជាបច្ចុប្បន្នកំពុងឈរនៅលេខ២ពូល F មាន១២ពិន្ទុស្មើក្រុមអូស្ត្រាលី Macarthur។ ក្រុមលោក Oleg ក៏កំពុងឈរតំណែងលេខ២ល្អប្រចាំតំបន់អាស៊ានផងដែរ។ ក្នុងតារាងលេខ២ល្អនេះ ក្រុមម៉ាឡេស៊ី Terengganu មាន១២ពិន្ទុដែរ ក្រោយឈ្នះក្រុមឥណ្ឌូនេស៊ី Bali United តែពួកគេបានអស់ប្រកួតទៅហើយ។
ដូច្នេះការប្រកួតយប់នេះ ទោះភ្នំពេញក្រោនបានត្រឹមស្មើក៏អាចឡើងទៅកាន់វគ្គពាក់កណ្ដាលផ្ដាច់ព្រ័ត្រក្នុងតំបន់អាស៊ាន (Zonal Semi Final)៕
