កីឡាករហែលទឹកជម្រើសជាតិកម្ពុជា កូសុងដឹ ឡាប៉ារង់អង់ត្វ័នម៉ាកាំងក្ដូឌ (Antoine) បាន បំបែកកំណត់ត្រាជាតិ ក្លាយជាកីឡាករកម្ពុជាដំបូង ដែលធ្វើបានថិរវេលា ២៦.៧៧វិនាទី លើវិញ្ញាសា ហែលបៀបផ្ងារ ៥០ម៉ែត្របុរស ។

សិទ្ធផលនៃការបំបែកកំណត់ត្រាជាតិ(National Record)នេះ គឺកីឡាករកូនកាត់ខ្មែរ-បារាំង Antoine ធ្វើបានក្នុងការប្រកួតកីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន នៅព្រឹកថ្ងៃទី២៥ ខែកញ្ញា ឆ្នាំ២០២៣។

គួរដឹងដែរថា សូម​បញ្ជាក់​ថា​ សហព័ន្ធ​ខ្មែរ​កីឡា​ហែល​ទឹក​ បាន​បញ្ចូន​សមាសាភាពក្រុមកីឡាហែលទឹកជម្រើសជាតិ ចំនួន ០៦នាក់ រួមមាន :
១. លោក​ ហែម​ ថុន​ពន្លឺ​ គ្រូបង្វឹក
២. លោក ចេង ពិរោទ គ្រូជំនួយ
៣. លោក មនត្រស ផានសុវណ្ណអារុន កីឡាករ
៤. លោក ដឺ ឡាប៉ារ៉ង់ អង់ត្វ័ន កីឡាករ
៥. កញ្ញា​ សុខ​ វរល័ក្ខណ៍​ កីឡាការិនី
៦. ​កញ្ញា​ ឃឺន​ ចន្ទចរិយា​ កីឡាការិនី